Ig mamenkad aɗi bekkalkad ag aab okkai ɠagattag aɗ ele eɗadna aona, ag wan ittag ele aoppig. Ag lag kuɗumnab, wan amuppa daappig, appa keeke ena ena ele ambak dayom amu, ag amu aoppig. Le moɗ laa buuppig, grep dad, olip dad, ad meu otteb digdig huanak ele aoppig. Ag keeke amu oh aona, ag ee laeg, oolag aɗom. Ag ee elelenab amunu, ag enaib daappig. ⌊O Kayak,⌋ ag keeke ena ena na ag mattamenu ag gamag ahak eheɗ nau aoppig.
Namba 13:27 - Nobonob Baibel27 Ag Moses amegppa inam appig. “Wan na ig appa gokkunignu meigme amu, ig appa gomut. Wan amuam wan enanag, am wan ittag ele, amuppa ee meu huana otte. Antte! Ee meu laala wan amuppanu iikku akkat ele uɗimut. အခန်းကိုကြည့်ပါ။ |
Namba 13:27
22 ပူးပေါင်းရင်းမြစ်များ
Yawe Nug Kanan wan, wan amuppa Kanan danab, Hit danab, Amo danab, Hiwi danab, amu Jebus danab ag daatteb, Yawe Nug ag Israel ag wan amu madakkunu, ag mamelkad aɗi amelagppa nai ɠagattag qetta aum ele, wan amuam wan enanag, wan ittag ele, amuppa ee meu huana otte amu, Nug wan amuppa omalatteb tekkulag amunu, ag maɗ ohppa kalam imu doobob, ag deɗ imu dabmekkulagoitte.
Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.
da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.
Ag gobeppeg, da ag ele wan amuppa, wan amuam enanag, wan ittag ele, amuppa ee meu huana otte amu, da ag ele oh ouqeta, wan amuppa ii gomata. Aɗinu? Ag am oɗe dim lamidmananu dabmak ɠagattag eppak danab ah. Da ag ele oh ouqeta gota, ibppa ag eheɗ laa heppeg amu, da heppi, ag ibppa padal mekkulagtai,” awa aum.
Ag da anam dim lamiɗkkulag dayeb, da ag mamelkad aɗi amelagppa dahil nai ɠagattag qetten, da ag wan laa, wan amuam enanag, wan ittag ele, amuppa ee meu huana otte, da wan amu madakkulnu ami amu, da anamnab hein, wan amu madakkul,” ami. Wan amuam wan ag amuppa gemu aakku daatteb.’ ” Yawe Nug anam aakku a doyen, da ami. “Genab, anam dayaɗ!” awe ami.
Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.
Na omaigppe, wan enanag, wan ittag ele, appa ee meu huana otte eleppa gokkunignu ame, amge na amu iinab heme. Na ig dad okkai, amu grep dad ele megappe aopput, ig aunig daaglagnu ame, amge na amu ele iinab heme. Na danab imu hambuppualadna, amelag hautkkutnu elele daanna, anam hekkutnu dabmettemte? I ii wamaɗa!” aoya apiɗ.
Ag anam hewona, ag ɗo imu oh amuppa yeeg! Yawe, ahilag Kayak, Nug wan madatte, wan amuam wan enanag, wan ittag ele, amuppa ee meu huana otte. Yawe, ag mamelkad aɗi dilag Kayak, Nug wan amu ag madakkunu nai anan qakkom bia ag madakku. Amunu ag le imu mataɗna, wan amuppa nowona, haen amuppa ag nai imu yeeg!
⌊Aa ahi amu yaaya ippunadkkulahnu diig am inam.⌋ Da Kayak, da geha Israel danab ah diie, wan ag mamelkad aɗi madakkulnu dahil nai ɠagattag qette ami, amuppa nokkul. Wan amuam enanag, wan ittag ele, amuppa ee meu huana otte. Appa ag ee ohnu elele lanana, ag beɗulag ena ele daaglag. Haen ag anam daan amu, geha ag da guhuɗilna, digmen kayak laala noolagppa dup nona binalag mekkulag; ag dahilnu ena iinab doonna, ag da ele nug tituanak nai qakkak hemut, ag amu tippalkkulag.
O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.
ကြော်ငြာတွေ