Namba 11:26 - Nobonob Baibel

²⁶ Amu danab aɗit laa, aa onilah am Eldat, Medat ele, aa ele onilah ameg amuppa dayom, amge aa Yawenu peh laugppa ii daapiɗ. Aa haen tutu dayaknu aab kalappigppa, appa daapiɗ, amge Kayak a, nuhig Ouɗi ahilahppa ele ukka dayeye, aa haen tutu dayaknu aab kalappigppa propet nai madipiɗ.

Namba 11:26 ပူးပေါင်းရင်းမြစ်များ

2 Stori 15:1

Juda dilag daup ag eɗun, Jerusalem ukkaegeg, Kayak Ouɗi Nug Odet bekka Asaria, Nug nuhigppa uɗiom.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

Eksodas 3:11

Yawe Nug Moses amegppa anam aum, amge Moses nug Kayak amegppa eɗua aum. “Da danab okkaite, da Paro gumitte ukke, nug amegppa awoya, Israel omaladppi, Isip uun gokkulag?” awa aum.

Jeremaia 1:6

Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

Jeremaia 36:5

Nug anam mattia male, Baruk nug nai amu oh ya male, Jeremaia nug amegppa aum. “Danab okkai ag da Yawenu mettid lakka gokkulnu aib aeg, da appa gokkulnu elele iitta

Namba 11:27

Aria, danab bau laa nug qaiqaɗ Moses toppa ukka, amegppa aum. “Eldat, Medat ele aa haen tutu dayaknu aab kalappigppa, uppa propet nai madittep,” awa aum.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 10:6

Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

1 Samuel 20:26

Dawit ii daye, Saul nug amu anttom, amge nug Dawitnu inam dabmeum. “Nuhigppa keeke laa beum amunu, nug Kayak ele ouqa dayaknu elele iittatai. Ao, nug Kayak ele ouqa dayaknu elele iitta amunu, nug ii uɗiombia doottem.” Saul nug anam dabmeum ⌊amunu, nug Dawit ii dayomnu laa amegppa laa ii mattiom⌋.