Namba 11:18 - Nobonob Baibel

¹⁸ Amu Yawe Nug anam awowa, Nug tuɗitta Moses amegppa aum. “Na danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag buttinu, ag Yawenu tituana mettak daaglagnu hena dayeg! Ag amu hena, ag butti doɗ teppu lakkulag. Aɗinu? Ag Yawe noobppa gaanna, ‘Ig doɗ teppu latu! Ig Isip wanppa ena daamut; gemu ig nauhmut daattem,’ appig amunu, gemu amu, Yawe Nug heeb, ag genab doɗ teppu lakkulag.

Namba 11:18 ပူးပေါင်းရင်းမြစ်များ

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

Job 20:13

Danab ee ubuhi ele paha lae nekkunu dabmak nakok laa iinab aotte, nug ee oɗeppa aɗe daatte amu, amubia nau hak danab nug eheɗ hekkunu anam bia doya hette.

Job 20:23

Nug elelenab, danab ee okkainab la, oo dittia auta autanab aotte, nug amubia dayebeb, Kayak nuhignu oo nauha autanab aweb, bu eheɗ medakku; Kayak Nug danab amu huana okku.

Sam 78:20

Amuam genab, Nug Moses amegppa men okkunu a, men o, le menppanu neum. Le amu lenagppa gotte bia neum, amge Nug danab ah nuhikkud ig, bret megakkunu elelete? Nug ig danab ah nuhikkud teppu megakkunu elelete?” Israel danab ah ag atu taɗakppa anam aakku appig.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Eksodas 19:10

Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Eksodas 19:15

Moses nug inam amelagppa aum. “Ag laatu babaittaknab daaglagnu, ag amu henan dayeg! Ag beɗuppa wanak ele aib heppig,” awa aum.

Eksodas 19:22

Genab! Mana mettak danab ag maɗi ahilag hekkulagnu, ag da gumiɗna uɗiglagnu daatteb, amge ag ele tatam dahilnu tituana mettak daaglagnu ag hena, ag gemu dahilppa uɗiglag. Iitta dayeb amu, da eheɗ nau madakkul,” awa aum.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 11:19

Ag geha doɗ teppu lakkulag, amge deɗ laippuib iitta, o iitta deɗ aɗitib iitta, o iitta deɗ tanig eleib iitta, o iitta deɗ eblaih laih eleib iitta, o iitta deɗ 20ib ele ii lamana.

Aposel 7:39

Amge ig mamelkad ag Moses oɗe dim lamidkkulagnu uuppig. Ag nug guhuɗidnana, ag eɗun Isip gokkulagnu amu oolag guattom.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Ikki Danab 21:2

Anam amu, Israel danab ag ahan, Betel tena, ag Kayak noobppa daaeg ukke, tueb meum. Ag daanna, ag baalag okkaippa eheɗ gaappig.