Namba 11:10 - Nobonob Baibel

¹⁰ Israel danab ah ag ahilkad peh lag od od daanna, ag naittuɗ anam aakku heegeg, Moses ahilag nai doye, Yawe Nug oo nauhak huana be, Moses nug uug doyom.

Namba 11:10 ပူးပေါင်းရင်းမြစ်များ

Sam 106:25

Ag wan amuppa nokkulagnu elele, amge ag peh ahilkadppa daan, naittuɗ meppig. Ag pehppa daanna, naittuɗ menana, Yawe oɗe doon hekkulagnu uuppig.

Sam 139:21

O Yawe, da laa ag nahipnu nau ninig ele dootteb amu, da ahilagnu ele nau ninig ele doottem. Ao, da laa ag na kekeɗ medatteb amu, da ahilagnu ena iinab doottem.

Sam 78:21

Ag anam aeg Yawe Nug doyatta, Nug oo huana nauhom Nuhig oo nauhak amu aab ewak bia Jakopnu danab ah dilagnu doyom. Ge, Nug Israel dilagnu oppoɗi beum.

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Jeremaia 17:4

Ag beɗulagppa ag wan ahilag, da wan amu ag aulag daakkunu ag mattami amu, ag beɗulagppa ag wan amuppa ii daamna. Ag hipunin anam heeg, oo nauhak dahil am aab huana ewewe, laa qauhkkunu elele iitta bia daatte amunu, da heppi, ag kekeɗ waalagpa, ahilag begbeg maɗi nid daan, ag wan laappa, ag amu ii dootteb ele, ag aguppa anam daan oiglag,” awa atte.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 11:11

Amu Moses nug oo elele iitta doya, Yawe oɗ mettom. “Na uug imu aona, maɗi nid nahip da, da qaɗelppa meme amu, da amunu diig ii doottem. Aɗi eheɗ laa hemi amu he, na amunu oot elele ii daye, na danab ah imu oh atognoattaknu uɗat da meɗame?

Namba 11:9

Tuqan haen baito, haen tutu dayaknu aab kalak amuppa nottom amu, maana ele nottom.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Namba 12:9

Amu Yawe Nug ahilahnu oo huana nauhe, ag uuattom.

Namba 16:27

Moses nug anam aum amunu, Israel danab ag Kora, Datan amu Abiram ele dilag pehppanu qe meppig. Datan, Abiram ele aa matu, aa waalti, amu nid naunau ahilti ele dimittim dona, ag pehnu odppa hippaidna daappig.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

Mak 10:14

Ag nakok alatteg, Jesus Nug anatta, kobol heppig ele amunu nug oo nauhe, amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid uuadppeg, dahilppa doig! Ag ib ahilag aib oo neppig.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.