Namba 10:33 - Nobonob Baibel

³³ Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Namba 10:33 ပူးပေါင်းရင်းမြစ်များ

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 28:12

Kayak Nug matu wan imu ag mattowa, Nug ag amelagppa inam aum. “Imuam hik awa, oo maɗoɗ ele dayaknu aben laa. Danab ah ag uug dootteb ele, ag uɗin, ippa hik aweg! Imuam oo maɗoɗ ele dayaknu aben.” Nug anam aum, amge Israel danab ah ag nai amu doon dabmekkulagnu uuppig.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 3:16

Da anam heppi, haen amuppa ag huana appatna, kuɗumnab daaglag. Ag anam daanna, danab ag, ‘Anukka ig ena daamut. Kayaknu Tituanak Nainu Kunup kontrak inak ele ig oonigppa dayom,’ ii amana. Iitta. Ag kunup amunu ii dabmenana; ag oolagppa ii daatte ele ii dabmemana. Ag laa ele ii hemana.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.

Duteronomi 31:26

Nug aum. “Butti, haen adekku ag Israel danab ah ag eheɗ hekkulag amu, ag genab eheɗ heppig ippunadkkunu, ag Ɗo Nai Buk imu aon, ag Yawe, ahilag Kayak, ag nuhig Tituanak Nainu Kunup kontrak inak ele heqo laih meppeg, anam dayaɗ!

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Josua 4:7

Oɗ madappeg amu, ag inam appeg dooglag. ‘Yawenu Tituanak Nainu Kunup kontrak inak ele amu, kunup amu ukka, le daugppa dayeye, Yawe Nug he, Jodan leppa tak imuagppa, attan amuppanu le nekkunu ii heehe, kunup dayomppanu le ippu imuagppa, uppa qagmeum. Haen kunup amu Jodan le mataɗom amu, Yawe he, Jodan le amu otaɗe, nak iittanu eɗua le ibuppa nakok attan titiɗom. Anam beum amu, men amu Israel danab ah ag haen oh amunu dabmekkulagnu at daatte.’ Ag anam aon akkulag.” Josua nug ag amegppa anam aum.

Ikki Danab 20:27

ag Yawe, ib ippunadkkunu oɗ medappig. Haen amuppa Kayaknu Tituanak Nainu Kunup kontrak inak ele amu, kunup amu Betel appa daye,

1 Samuel 4:3

Ag mauheg, Israel dilag ban danab laa ag ii mauhppig ele amu, ag eɗun, haen tutu dayaknu aab kalak ahilagppa gona teppig. Ag teeg, amu Israel dilag ikki danab ag appig. “Aɗinu Yawe Nug he, Pilistia ag ig gemu eɗigppig?” aon appig. Ag anam awona amu, ag tuɗidna appig. “Yawenu Tituanak Nainu Kunup kontrak inak ele Silo appa daatte amu, ig amu aot uɗit, ig banppa maot gopput, Yawe Nug ehanikkeb, ig Pilistia dilag daup eɗadta, ig ag eppelagppa ii daamta,” aon appig.