Namba 1:54 - Nobonob Baibel

⁵⁴ Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 1:54 ပူးပေါင်းရင်းမြစ်များ

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Eksodas 40:16

Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Eksodas 40:32

Haen ag mettid haknu peh lag danab ah appa qagmetteb ele, ag lag amu ooppa nokkulag heppig, o qaɗabppa wakkulagnu heppig amu, ag tatam eppelag, baelag ele ihan wadappig. Yawe Nug Moses amegppa haknunab aum, ag Nug aumbianab aakku heppig.

Namba 1:19

Ag uɗat amu Yawe Nug anamnab haknu Moses amegppa aum amu, ag anamnab heppig. Ib anamppa Moses nug atu taɗak Sinai appa Israel danab oh ebaqom.

Namba 1:53

Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 2:1

Amu Yawe Nug Moses, Aron ele amelahppa aum.

Namba 2:34

Aakku Israel ag keeke oh Yawe Nug Moses anam hekkununab amegppa aum amu, ag heppig. Yawe Nug ag dayak aben ahilag attem hekkulagnu aum, ag ahilag pilak guguittak daaglagnu aum, amu ag anam aakku heppig. Ag aben laih goppig, haen amu ag attemnab gokkulagnu Yawe Nug aum amu, ag anam aakku goppig. Danab ah anen anen ag aab ikki ahilag, amu nug baekkudppa ele anamppa daanna goppig.

Namba 36:10

Moses nug anam aum amunu, Selopehad aɗekkud, ag Yawe Nug Moses amegppa ag hekkulagnunab aum amu, ag amu heppig.

Namba 8:20

Moses, Aron, amu Israel oh ele ag Yawe Nug Moses amegppa Lewi buɗubppan mana mettak danab iitta ag amu dilag anam hekkulagnunab aum amu, ag anamnab aakku heppig.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Namba 9:5

Nug ag amelagppa a, ag Pasowanu Hobul daan, Sinai atu taɗakppa heppig. Ag kalam tatamnu deɗ 14ppa, tuebnab, haen amuppa ag digmena heppig. Israel ag Yawe Nug Moses amegppa ag anamnab hekkulagnunab aum amu, ag anamnab aakku heppig.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.