Nahum 3:2 - Nobonob Baibel

² ⌊Ag nau amu oh heppig amunu, uug naunab ahilagppa bekku; amu uug amuam inam.⌋ Kekeɗ ag uɗin, ban hena, aab ooppa uɗiglag. Ban danab karisppa ban hetteb ele ag hos ahilkad ag ban huan hekkulagnu muɗippa mataɗadppeppeg, oqotti okku. Karis baeg oqotti am huanak daakku. Hos ag qaiettan gokkulag. Bannu karis ag huan oina, oolna tena, oolna nebeppeg, oqotti okku.

Nahum 3:2 ပူးပေါင်းရင်းမြစ်များ

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Jeremaia 47:3

Kekeɗ ag uɗippeg, hos dawai ag qaiettan gobeppeg, oqotti ob dooglag. Daup ag bannu karisppa gobeppeg, bannu karis oqotti ob, ag dooglag. Nid mamelkad ag anadna, eheɗ baɗan, ag eppelag am gai-iitta luɗua nak dayeb, ag eɗun, nid ii ehanadmana.

Joel 2:4

Am danab nug tap-lokus anidtte amu, ahilag neekkak am hos bia. Ao, ag amu bannu hos nakok huana qaiedatteb, amubia tap-lokus ag oitteb.

Joel 2:5

Tap-lokus ag qauko eɗadna ukkaegeg, ahilag oqotti am bannu karis ukkaegeg, oqotti otte bia, o qahak ewewe, oqotti otte, anam bia, o daup huanaknab ban hekkulagnu qagmetteb, am amubia oqotti otte.

Ikki Danab 5:22

⌊Yawe he, anam beum amu,⌋ dimppa Siseranu daup ag bittumttum oolna goppig. Ge, ahilag hos ag huanaknab qaiettan, oolna goppig.