Nahum 1:7 - Nobonob Baibel

⁷ Yawe Nug am ena. Ao, Nug uug nau bak haenppa Nug nuhikkud danab ah dilag padal mak eɗitteb ena dayaknu ehanittak daatte. Ge, uug bak haenppa Nug laa ag nuhignu oolagppa genab dootteb ele atognoadtte.

Nahum 1:7 ပူးပေါင်းရင်းမြစ်များ

1 Stori 16:34

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Ao, nuhig oo mauhaknab kobol hanhan, alet daatte.

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

2 Stori 13:18

Yawe Nug Juda ehanatte, ag heeg, Israel aakku gai-iitta daappig. Juda danab ag Israel eɗadppignu diig am, ag Yawe, ag mamelkad aɗi dilag Kayak, ag nuhignu oolagppa genab dooppig amunu, Nug ehanatte, ag Israel eɗadppig.

2 Stori 32:11

Amu Hesekaia, nahipad king amu, nug ag amelagppa, “Yawe, ihinig Kayak, Nug ehanikkeb, ig Asiria eppelagppa ii daamta,” awa atte. Nug anam atte, amge nug anana, nug ag ee, le ele iittanu mauhkkulagnu hambuppualadtte.

2 Stori 32:21

Asiria dilag king, daup ele ag haen tutu dayaknu aab kalakppa daaegeg, Hesekaia, Aisaia ele aa amunu unuqitteh, Yawe Nug nuhig engel laa me, nug uɗia, Asiria dilag daup, danab okkai ele huanaknab, oh bia, aqe mauhppig. Yawe he, engel anam he, Senakerip nug eɗua aha, uɗa nak nau guittak ele doyaya, aab diigppa ukkom. Nug eɗua, aab diigppa ukka, deɗ laa nuhig kayaknu mettid lakka te, nug bekoɗ aɗit qep elabppa nug qeeh mauhom.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.

Sam 20:1

⌊Danab ah ag unuqidppig.⌋ “Haen uug nau na tonidtte amu, ig Yawe Nug nahip unuqittak doya, ehanidkkunu oonig daatte. Yo, ig guittak ohppanu Jakop buɗub dilag Kayak Nug na dabmedakkunu oonig daatte.

Sam 25:8

Yawe Nug diig ena, diig tutukku ele amunu, Nug hipunin danab ib ena dim lamidkkulagnu oo daye, Nug ib amu ag ippunadtte.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 37:39

Yawe Nug genab tutukku hak danab ah padal memananu ehanadtte. Uug laa uɗitte am, Nug ban haknu aben ɠagattag ahilag bia daatte.

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 59:16

Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Sam 71:3

Na da kekeɗ niɗamanu ehanittak dahil daappe, da hanhan nahip-ppa gokkulnu daakkutnu oɗ medattem. Ao, na am kekeɗ niɗamanu ehanittak dahil, aab aɗ ɠagattagnab ele dahil bia ele daattem amunu, na da padal mepanu ehaniɗkkutnu unuqidttem.

Sam 86:7

Da unuqidppi amu, na nob mekkut amunu, da uugppa dayeye, da na oninppa ekkul.

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jeremaia 17:17

Na uuiɗppe, da baɗak eheɗ nau dookkul amunu, na da amu hepanu oɗ medattem. O Yawe, uug naunab bette haenppa amu, na am padal mak eɗitteb ena dayaknu ehanittak dahil daattem.

Jeremaia 24:5

“Da Yawe, da Israel dilag Kayak, da inam attem. ‘Juda danab ah da hei, ag gemu wan imuppa ii daatteb, ag Babilon wanppa diia ukka laih me dayak danab ah daatteb amu, da amu dilagnu ag ad fig meu ena imubia daatteb doottem.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Gayak Nai 3:25

Laa ag Yawe heeb, keeke ena bekkunu dabmak aɗan oitteb amu, Yawe Nug ahilagnu kobol ena hette. Ge, laa ag Yawe mattina, dim lamidkkulagnu Nug maditteb, Nug ahilagnu kobol ena hette.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Sepanaia 3:12

Da laa ag dagom danab, ag agakka ag onilag qeeg nette ele, da ag Jerusalem appa uuadppi daaglag. Laa amu ag da Yawe, ag dahilnu oolagppa genab dootteb. Da am Yawe.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 7:23

Ag anam akkulag, amge da haen amuppa miag appi dooglag. ‘Da ag nakoknab laa ii doyadttem. Ag am eheɗ hak danab amunu, ag uuiɗna ukkeg!’ awe akkul.

Jon 10:14

Da am sipsip gumak danab ena. Da dahilad sipsip doyadttem, sipsip ag ele da dooiɗtteb,

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”