Nahum 1:6 - Nobonob Baibel

⁶ Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Nahum 1:6 ပူးပေါင်းရင်းမြစ်များ

1 King 19:11

Elaiya nug anam a amu, Yawe Nug aum. “Na ahan dimittim gona, qaukoppa da noolppa daappe, da laihnu uɗien, na noomppa laih gokkul,” awa aum. Nug anam a, ulah okkai naɗi uɗia he, qauko amu, amu qauko amunu men ele Yawe noobppa aoɗppig, amge Yawe Nug ulah amuppa ii dayom. Ulah amu uɗia ukke, mim laa neum, amge Yawe Nug mim amuppa ii dayom.

Job 26:11

Kayak Nug nai heehe, hab ukku uɗaltteb.

Job 40:11

Na anam daattem dayeb amu, na nau hak oh neegna anidna, bu mettak pehettak he! Ge, na dada danab ohnab neekkadna heppe, ag honap neig!

Job 9:5

Kayak Nug he, qauko ag pahanab ahan, laih gotteb; Nug oo nauhe he, qauko ag nena qena ikkilag wan yaatte.

Sam 130:3

O Yawe, na ig danab, na ig ihinig hipunin nahip dabmakppa mena, aɗan dabmelom amu, ig oonigppa aun nug elele daalo? Ao, O Naɗi, aun nug na noomppa tutukku daalo? Laa iittanab iitta!

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 76:8

Na hab attan daanna, na nai doon malan, hettoɗin, epeɗin, elele mettan, na nai ana, nahipad kekeɗ ag bu aoglagnu ame. Wanppan danab ah ag amu doona, ag hahaɗna, na noomppa toettan daappig.

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Aisaia 10:16

⌊Keeke danab eppegppa daatte ele, keeke amu aha, danab aɗatte aben ii aotte, amge Asiria dilag king nug anam hekkunu hette⌋ amunu, Naɗi, Nug Yawe Nukka Ɠagattag Oh Ele, Nug heeb, oɗe nau nuhikkud daup ɠagattag aqeb, ag beɗulag aakku nauhkku. King amu nug ɠagattagnab, amge aab ewewe, ⌊ad keeke iitta mette,⌋ amubia Yawe Nug heeb, nuhig ɠagattag iitta mekku.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Gayak Nai 2:3

Yawe Nug ⌊Juda dilag hipuninnu⌋ oo nauhak huanaknab doyom amunu, Nug Israel dilag ɠagattag ohnab he, iitta meum. Kekeɗ ag uɗiegeg, Nug nuhig ɠagattag Juda ehanadkkunu lokkumom. Ao, Nug aab aɗu keeke oh ewewe, iitta mette bia, Nug Jakop buɗub oolagppa anam he, ag nauhppig.

Gayak Nai 2:4

Yawe Nug kekeɗ lat omana daatte bia daye; Nug eppeg naɗiap lat doɗo ekkunu babaittak dayom. Kekeɗ ag danab aqaeg mauhtteb; amubia Nug laa, ag lailkad dilag neekkakppa enanag daappig amu, Nug aqe mauhppig. Nug Juda danab ah, Nug ahilag eheɗ haknu oppoɗi be; Nug bu eheɗ ag mattom.

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Esekiel 21:31

Da ahilagnu oppoɗi bak eheɗ nau doottem amu, da bu eheɗ madakkul. Ao, da ool eheɗ nauhom, diig amuppa da eheɗ nau hadakkul. Da heppi, danab nau, ag laa guittak mattaglagnu oolag hette ele amu, ag uɗin aɗualadkkulag. Danab amu ag danab, keeke ele heppeg nauhkkulagnu doon autna aotteb.

Esekiel 30:16

Da heppi, Isip wan oh eokku. Pelusium danab ah ag guittak nau, eheɗ aoglag. Kekeɗ ag Tibsnu aɗ heppeg nauhkku. Mempis danab ah ag baɗak eheɗ nau doon daaglag.

Esekiel 39:6

Amu Naɗi Yawe Nug atte. “Da heppi, uug naunab nau, aab ewak bia, Magog danab ah dilagppa, amu laa ag yu ihippa baɗak iittappa daatteb, ahilagppa ele bekku. Uug amu ahilagppa beeb, ag dooglag, da am Yawe.

Esekiel 7:8

Da oppoɗil be, bu madakkulnu hettem. Ao, da ool nauhe, da ahilag hak naunu nob madakkulnu hettem. Da epeɗiatten, ahilag hak naunu nob elele madakkul. Ao, da ahilag hak laala, da hak amunu oolppa uuaknab doottem, hak amunu da ag bu elele madakkul.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Sepanaia 2:2

Ag deɗ laa, deɗ amuppa Yawe Nug danab ah bu madakku amu, ag gemu deɗ amu ii nak, ag haen imu qagmena ⌊oolag eɗueg⌋! Deɗ amuam pahanab uɗitte; ulah ee aeg dappunkkeg iwale, pahanab laih gotte bia uɗitte. Deɗ amuppa Yawe Nug danab ah bu madakku amunu, deɗ amu ii nak, haen imuppa ag qagmena, ⌊oolag eɗueg⌋! Ao, ⌊ag oolag ii eɗueb,⌋ Yawe Nug ag bu eheɗ nau madakku amunu, Nug amu hekkunu haen ii nak, haen imuppa amu, ag qagmena, ⌊oolag eɗueg⌋!

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Revelesen 16:1

Anam dayeye, da baag laa Kayaknu mettid lag ooppanu engel eblaih aɗit amelagppa aawo doomi. Nug inam aum. “Ag tappiɗ eblaih aɗit ele, oppoɗi bak Kayak Nug danab dilag hipuninnu dootte, amuam tappiɗ amuppa daatte amu, ag tappiɗ amu aon gona, wanppa gokkaɗeg!” awa aum.

Revelesen 16:8

Aria, engel ebqak 4 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, aamppa ukke, amu Kayak nug aam hekkunu elele a, aam gakkaɗak, aab aɗu bia, danab ewattom.

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.