Nahum 1:5 - Nobonob Baibel

⁵ Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Nahum 1:5 ပူးပေါင်းရင်းမြစ်များ

2 Samuel 22:8

Nug unuqittak dahil doya he, wan uɗalala, hahaɗom. Ao, Nug doya he, hab ukku uɗalom. Amu hab wan ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Job 26:11

Kayak Nug nai heehe, hab ukku uɗaltteb.

Job 9:5

Kayak Nug he, qauko ag pahanab ahan, laih gotteb; Nug oo nauhe he, qauko ag nena qena ikkilag wan yaatte.

Sam 104:32

Yawe Nug wan neekkitte, wan uɗaltte. Yo, Nug eppeg bahia, qauko lauɗatte, appanu kahug attan tette.

Sam 114:4

Qauko sipsip dawai oola tette, oola nette bia uɗalppig. Ao, qauko nakok ag sipsip nalkad oolna tetteb, oolna netteb bia uɗalppig.

Sam 114:6

Aɗi heum amunu qauko sipsip dawai oola tette, oola nette bia uɗalppig? Aɗi heum amunu qauko nakok ag sipsip nalkad oolna tetteb, oolna netteb bia uɗalppig? ⌊Yawe Nug gukkuatta uɗiom amunu, keeke amu anam beppig!⌋

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Sam 18:8

Am genab, danab laa oppoɗi huana beeb, diig amunu kahug nug noobppa beebe, oɗeppa dittiak beebe, dittiak waappa ottag daalob amu, amubia Yawe Nug oppoɗi huananab beum.

Sam 46:6

Wan imuppan wan anen anennu danab ah ag akka akka nug qeegeg, ɗo maɗoɗ laala nena qetteb. Anam, amge Kayak Nug nai maditte, haen amuppa wan baolia le bia daatte.

Sam 68:8

Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

Sam 98:7

Heppeg, yu huana koɗkoɗ qeebeb, oqotti okkai oaɗ! Yuppan doɗ oh, ag Yawe binag meig! Wan amu wanppan keeke oh ele, ag anamib heig!

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 24:20

Wan nug geha ukka uɗikku, danab nug le ɠagattag lana, spak ma oitte, amubia uɗalkku. O ulah huan he, lag uɗaltte, wan amubia uɗalkku. Hak nau, amuam danab ah dilag hipunin amu, eheɗ hak amunu uug am naunab, wan nug geha maokkunu elele iitta amunu, wan nug geha na qewowa, eɗua ahakkun elele iitta.

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Jeremaia 4:24

Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.

Esekiel 38:20

Mim naɗi anam neeb, yuppan kakai, ai hagagaɗna oitteb, atuppan doɗ, doɗ manan, doɗ laa ag oolag wan qeeqe oitteb oh ele, amu wan atu ohppa danab ah ele ag ohnab ag da noolppa daan, oolag eheɗ baɗeb, hahaɗkkulag. Qauko ag honap neppeg, bai nena qeppeg, aɗ oh loppaɗakib daaglag,” awa atte.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Sekaraia 4:7

Amu engel nug Yawe oɗeppanu nai anam ana, nug nai tuɗitta aum. “Keeke aɗi, qauko naɗi, o aɗi keeke laa, keeke amu nug Serubabelnu ib iinab oo nema. Qauko laa daakku dayeb, Kayak Nug heeb, qauko amu honap na, uɗem daakku. Nug anam heeb, Serubabel nug Kayaknu mettid lag ha malakku. Nug ha malebeb, danab ah ag enan, Kayaknu itittak enappa lag imu beum! Kayaknu itittak enappa lag imu beum! ekkulag,” awa aum.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Matyu 28:2

Ukkaeheh am mim okkai neum. Aɗinu? Naɗinu engel laa hab aabppanu na, moɗppa ukka, men buɗibɗib mette ukke, ameg kola, men amu qaɗeppa heɗep na dayom.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Revelesen 6:14

Nena qeeg, hab ele buk itoɗiak ag itoɗieg ukke qena metteb, amubia itoɗia ukkom. Itoɗia ukke, qauko oh amu nud oh ele ag abenlag uuna, kautna laih wappig.

Ikki Danab 5:5

Qauko ag Yawe, Nug Sinai qaukoppa dayom amu, ag Nug noobppa uɗalppig. Ge, qauko ag Yawe, Nug am Israel dilag Kayak, ag Nug noobppa uɗalppig.