Nahum 1:2 - Nobonob Baibel

² Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Nahum 1:2 ပူးပေါင်းရင်းမြစ်များ

Job 20:23

Nug elelenab, danab ee okkainab la, oo dittia auta autanab aotte, nug amubia dayebeb, Kayak nuhignu oo nauha autanab aweb, bu eheɗ medakku; Kayak Nug danab amu huana okku.

Sam 94:1

O Yawe, na danab ah aun aɗi ag eheɗ hetteb ele, na ag heppignu nob tutukku bu mattaknu Kayak daattem. O Kayak, na nahip hak ɠagattag amu epponna, danab ah eheɗ hetteb amu, na ag heppignu nob tutukku bu madakkutnu oɗ medattem.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Eksodas 34:14

Aɗinu? Da Yawe, da onil laa am Dahil Doya Laa Aomanu Doyak Aɗeɗe Daattem; da am Kayak, da dahilad dilagnu dahil doya laa aomanu doyak aɗe daattem amunu, ag kayak hambuppuak laa noobppa dup nona binag aib meppig.

Eksodas 34:7

Da danab ah menuattak huu laippu bia tausen kuɗum bekkulagnu daatteb amu, da amu dilag oo mauhaknab kobol dahil dim lamidppi anidkkulag. Da nau hak, nai tappe nak, hipunin hak ele uhuqttem, amge da danab beɗulagppa aab ele amu, da ag bu madattem. Da ag bu aqatti ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte,” awa aum.

Aisaia 42:13

Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Jeremaia 25:15

Amu Yawe, Nug Israel dilag Kayak, Nug tulelegppa da, Jeremaia, da amelppa aum. “Jeremaia, kap imu, da eppelppa daatte amu, amuppa dahil oppoɗi bak wain bia daatte amunu, na kap imu da eppelppan aon aɗan, wanppan wan atten atten da ag onilag na amenppa appi, na appa aon gona heppe, ag laig!

Jeremaia 28:8

Anukkanunab haen uɗiak, aria na anin, amu da anil ele ii menuitpiɗ, haen amu ohppa ele propet ag dimppa aɗi bekkunu nai madippig. Ag geha ban daakku, haen naunab daakku, amu oɗe nau danab kuɗum aqe mauhtteb, ag keeke ewam amu oh wan atu kuɗumppa bekkulagnu, amu ɗo maɗoɗ ɠagattag, amuppa ele bekkulagnu madippig.

Jeremaia 3:5

Gemu na ihinignu oot nauhom daatte amu, oo nauhak amuam hanhan anamib daakkute? Ao, na ihinignu oppoɗin beum, amu nahip oppoɗi bak amuam haen ohib daakkute? Na nahip oo nauhak amu iite tuqan aomna?’ Ag anam atteb, amge ag eheɗ hak huanak tuɗidib hetteb.” Yawe Nug anam atte.

Jeremaia 36:7

Yawe Nug danab ah imu dilag haknu oo nauhe, oppoɗi beum daatte; ag bu okkainab aoglagnu daatteb atte amunu, na ebqeppe, ag doon, ag anen anen ag Yawe unuqidnana, ag nau hak ahilag uuglagtai,” awa aum.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Jeremaia 50:15

Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg!

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Esekiel 36:6

Yawe Nug anam aum amunu, Nug da amelppa aum. “Danab bekka, na dimppa aɗi bekkunu nai qauko okkai, qauko nakok, oolnu noak okkai, oolnu noak nakok ele inam appe doyeg! ‘Naɗi Yawe Nug inam atte. Wanppan wan laalappan danab ah ag Israel dilag qauko, ag ahilagnu, “Keeke hamunab,” dooppig amunu, da, Yawe, da ag Israel, da ahilagnu dahil doya laa aomanu doyak aɗe daattem, amu laa eheɗ hadappig dilagnu oppoɗi bak doottem,’ ” awa atte.

Esekiel 38:18

Naɗi Yawe Nug anam awowa, Nug tuɗitta, Gognu imu ele atte. “Anam amu, haen amuppa kobol imu ambekku. Qinob, Gog nug aha, Israel banelag uɗia beeb, dahil oo nauhak huanak bekku.

Esekiel 38:19

Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Esekiel 5:13

Ag bu anamib aakku aoppeg ukkeb, ag ahilag hipuninnu nob elele aoglag. Ag aoppeg, dahil oo nauhak am aakku iitta mekku. Ao, dahil oppoɗi bak am oug mekku. Ge, da baula nob madakkulnu uukkul. Da bu anam madappi, oppoɗi bak dahil oug meeb, ag da Yawe, da yag-nab-bak doyen, bu anam madakkulnu ami amu, ag amu dooglag.

Esekiel 6:12

Laa ag uma daatteb amu, ag oɗe nau danab kuɗum aqe mauhtteb eleppa mauhkkulag, laa ag miag daatteb amu, ag qep elabppa mauhkkulag. Laa nug keeke aɗit amuppa ii mauhkku amu, nug enugppa mauhkku. Da ib ewam amuppa heppi, dahil oppoɗi bak am oug mekku.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Joel 2:18

Ag anam heppeg, Yawe Nug wan nuhignu, dahil doya laa aomanu doyak aɗa daya, Nug nuhikkud danab ah dilagnu oo gai-iitta doya oo matta ehanadkku.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Maika 5:15

Amu wanppan wan laa oh dilag danab ah ag dahil nai ii dim lamittegeg uɗie, gemu ele dim ii lamidtteb amu, da oo nauhak, oppoɗi bak ele doyen, da ag eheɗ heppignu nob tutukku madakkul,” awa atte.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Sekaraia 1:14

Yawe Nug engel da amelppa nai mattiom amegppa anam a, engel nug da amelppa aum. “Na danab ah oh nai imu dooglagnu eppe doyeg! Yawe Nukka Ɠagattag Oh Ele Nug inam atte. Da Jerusalemnu, Sionnu ele dilahnu dahil doya laa aomanu doyak aɗe dayak okkai doottem,

Sekaraia 8:2

Yawe Nukka Ɠagattag Oh Ele Nug inam atte. “Da Sionnu dahilnu doye laa aomanu doyak aɗe daye autenab aottem. Ge, da nuhignu dahil doya laa aomanu doyak aɗe daye aute autenab aottem,” awa atte.

Namba 25:11

“Mana mettak danab Aron bekka Eleasar, nug bekka Pinias amu, nug Israel danab, Midian ah ele aa kobol nau heeheh aqate mauhpiɗ amunu, da dahil oo nauhak bodoettom. Da danab ah ag da diil am nau doomnanu yag-nab-bak doyen hettem, amubia nug ele anam doya heum amunu, da dahil oo nauhak tuɗitten, ag oh ii hatti nauhppig.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Rom 13:4

Laa nug gumaknu ehah ele nug ele am Kayaknu maɗi nid, ag ehanatteb ena daaglagnu daatte. Amge ag kobol tutukku ii henana amu, ag baɗeg! Ag dootteb, nuhig ɠagattag am keeke hamu iitta. Uɗat amu Kayak Nug mettom amunu, danab ag kobol tutukku ii heppeg, nug nob nau madakkunu daatte.

Duteronomi 4:24

Ag amu hekkulagnu diig am, Yawe, ahilag Kayak, Nug am aab dittiak naɗi, keeke oh ewatte iitta metteb, Nug amubia daatte. Nug nuhikkud dilagnu dahil doya laa aomanu doyak aɗa daatte, ⌊Nug danab ah ag dup nona, kayak laa binalag mekkulag ele hatteb nauhkkulag.⌋

Duteronomi 7:10

Amge laa ag nau ninig ele nuhignu dootteb amu, Nug pahanab ag bu madatte. Ao, Nug laa ag nau ninig ele nuhignu dootteb amu, Nug paha heeb, ag nauhkkulag.

Hibru 10:30

Aɗinu am anam daakku? Ig Kayak Nug inam aum doottem. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul,” awa aum. Amu Nug nai inam ele aum. “Naɗi Nug nuhikkud danab ah epeɗiadkku,” awa aum.

Josua 24:19

Ag anam appig amu, Josua nug danab ah amelagppa aum. “Yawe Nug am oppiaawak daatte, Nug ahilagnu dahil doya laa aomanu doyak aɗa daatte amunu, ag Yawe, kayak laala ele waappa daan, ag oh oɗelag dim lamidkkulagnu elele iitta. Am ag tuɗid ele hipunin hekkulag dayeb, Nug ahilag nai tappe nak, ahilag hipunin elenu bu aqadkku; bu qak iittappa ii uhuqa mattama.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.