Nahum 1:1 - Nobonob Baibel

¹ Nai imuam nai meunab ele, Niniwenu. Buk imu amu, Yawe Nug Elkos danab Nahum tuleglegppa ippunittom, am nai amu.

Nahum 1:1 ပူးပေါင်းရင်းမြစ်များ

Genesis 10:11

Amu Nimrot nug Sinar wanppanu aha ukka, Asiria wan ⌊ele gumakkunu ban ha awa,⌋ nug appa aab okkai laala kalattom. Ag onilkad am Niniwe, Rehobotir, Kala,

2 King 19:36

Anam amu, Asiria dilag king Senakerip nug he, nuhikkud daup ii mauhppig ele ag ahan, eɗun ag wanelagppa goppig. Ag gona, Senakerip nug nug wanebppa aab okkai Niniwe, nug appa dayom.

Aisaia 10:5

Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 14:28

Amu maɗ King Ahas nug mauhom, maɗ amuppa Yawe he, Aisaia nug nai meunab ele doyom. Nai amuam iikku.

Aisaia 15:1

Nai meunab ele Moap wanppanu Yawe he, Aisaia doyom ele am iikku. Tuqan laippuppa kekeɗ ag uɗin, Moap wanppa aab okkai Ar oh heppeg nauheb, Moap aakku na qekku amunu, ⌊da mahittem⌋. Ge, tuqan laippuppa kekeɗ ag uɗin, Moap wanppa aab okkai Kir oh heppeg nauheb, Moap aakku na qekku amunu, ⌊da mahiak hettem⌋.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 22:1

Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Jeremaia 28:8

Anukkanunab haen uɗiak, aria na anin, amu da anil ele ii menuitpiɗ, haen amu ohppa ele propet ag dimppa aɗi bekkunu nai madippig. Ag geha ban daakku, haen naunab daakku, amu oɗe nau danab kuɗum aqe mauhtteb, ag keeke ewam amu oh wan atu kuɗumppa bekkulagnu, amu ɗo maɗoɗ ɠagattag, amuppa ele bekkulagnu madippig.

Jona 1:2

“Niniwe danab ah ag hak nau huanak heegeg anadttem amunu, na ahan, aab okkainab Niniwe gona, uug naunab ahilagppa beeb anidkkulagnu mehuqppe doyeg!” awa aum.

Nahum 2:8

Niniwe am le gottu bia daakku. Le gottu giɗo laa dayeb amu, le oh noa gotte, amubia Niniwenu ban danab oh ag ahilag ban haknu aben uun oolna gokkulag. Laa ag enan, “Aib goppig! Aib goppig!” anan daaglag, amge laa nug eɗua banppa daakkunu ii hema.

Habakuk 1:1

Nai imuam propet Habakuknu nai meunab ele. Nug tuleglegppa Yawe oɗeppanu awom.

Sepanaia 2:13

Anam amu, Yawe Nug Asiria ele bu madakku. Asiria am Israelnu yawalti uɗitteppanu daatte. Yawe Nug heeb, Asiria danab ah, ahilag wan ele hele-ettak daappeg, ahilag aab okkai Niniwe am nauhakib daakku. Ao aab amuam atu taɗak, qaɗaiettaknab daatte bia daakku.

Sekaraia 9:1

Yawe Nug wanppan danab ah oh, Israel danab ah oh ele, neekkadtte amunu, Yawenu nai imuam Aram wan, Aramnu aab okkai Damaskus ele, amu oh dilag bu awaknu nai uug ele.

Malakai 1:1

Nai meunab ele imu, am Israel dilagnu. Yawe Nug propet Malakai mette, nug ag mattom.