Matyu 9:8 - Nobonob Baibel

⁸ Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Matyu 9:8 ပူးပေါင်းရင်းမြစ်များ

Matyu 12:23

Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig.

Matyu 15:31

Bappalatte, danab ah ag anam anidna, dabmak kuɗum aoppig. Aɗinu? Danab ah oɗetup ele, ag nai madippig, laa ag ebehilag kaliak ele, ag ena daappig, laa baelag nau autaut oippig ele, ag ena oippig, laa amelag gaɗuak ele, ag neegppig. Ena daappig amunu, ag Israel dilag Kayak binag meppig.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 9:7

Nug anam a amu, oɗe danab nug aha, ag noolagppa dimittim wana, lakka ukkom.

Mak 2:12

Nug anam a amu, oɗe danab nug aha, qaɗaqaɗ nuhig awa, ag noolagppa dimittim ukkom. Ugekke amu ag dabmak kuɗum aona, Kayak binag mena appig. “Ig deɗ laa keeke amubia ii anidmut,” aon appig.

Mak 7:37

Danab ah ag Jesus heum anidna, ag huanak ottaina, ag dabmak kuɗum aonna, ag appig. “Nug aɗi hette amu Nug enaib hette. Danab daulag ituak ele Nug he, ag nai dootteb, amu danab oɗetup ele ag nai maditteb,” aon appig.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 17:15

Amu ag oolagppanu danab laippu, nug beɗu eɗua ena dayom anttowa, nug eɗua ukka, huana ewawa, Kayak binag meum.

Luk 17:18

Danab laa nug eɗua uɗia, Kayak binag mekkunu amu iittatai? Danab imu nug am wan laihnu danab, nug nukka iikkuibte?” awa aum.

Luk 18:43

Anam aawo, geha aakkunab danab amu ameg obate, neekka aha, ibppa Jesus dim lamittatta, Kayak binag meum. Haen danab ah ag amu anidna, ag ele Kayak binag meppig.

Luk 2:20

Anam dayeye amu, sipsip gumak danab ag oolag gamag ahehe, eɗun gona, ag kobol oh ag amelagppa anidna, nai daulagppa dooppig ele amu, ag amunu Kayak binag amahlak oppiaawak ele, aria onig okkai ele meppig.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Jon 15:8

Haen ag meulkad huanak otteb amu, ag dahil ippunittak awak danab genab daatteb. Amu amuppa da Mamel Nug binag amahlak oppiaawak ele aotte.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

2 Korint 9:13

Ag layag ehanittaknu uɗat imu hekkulag amu, geha ahilag kobol amu heeb, ag am genab Kayaknu danab daatteb am miag atiak bekkulag. Am geha ig lainkad ag ag Korint danab, ag Kristusnu Nai Ena dim lamidttebnu atteb amu, ag genab anam hetteb anidna, ag Kayak binag mekkulag. Aria, geha ag ahilag ehanittak okkai ag madappig doonna amu, danab ag amuppa geha ag oh amu Kayak onig humaglag.

Galesia 1:24

Kayak Nug dahilppa anam he, ag nai doonna, ag Nug onig humappig.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.