Matyu 9:6 - Nobonob Baibel

⁶ amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu, da heppi aha gokku,” awa aum. Jesus Nug anam ana, Nug eɗua oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Matyu 9:6 ပူးပေါင်းရင်းမြစ်များ

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Matyu 9:5

Aɗi nai am anaknu uug iitta? Hipunin uhuqa mettaknu nai, amute am uug iitta, o, iitta, aha tappa ukkaknu nai, amutai am uug iitta. ⌊Amu oh iitta. Danabib am aɗit oh hekkunu elele iitta⌋

Matyu 9:7

Nug anam a amu, oɗe danab nug aha, ag noolagppa dimittim wana, lakka ukkom.

Mak 2:7

“Danab imu Nug aɗinu anam atte? Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Jon 10:28

Anam amu, da ag bauklel hanhannu madattem. Ag padal ii memana. Iittanab. Laa nug da eppelppanu ii oqaiatta diima.

Jon 5:27

Amu ele, da am Danab Bekkalag amunu, Nug da danab epeɗiadkkulnu ɠagattag ele meɗom.

Jon 5:8

Danab anam a amu, Jesus Nug danab amegppa aum. “Na hippaidna, qaɗaqaɗ nahip aon, maon ukke!” awa aum.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 9:34

Pita nug antta amegppa aum. “Ainias, Jesus Kristus Nug na beɗun ehanidtte amunu, na ahan nahip niiak aben babaitte!” awa aum. Awa a aria Ainias nug pahanab ahom.

2 Korint 2:10

Ag danab laanu hipunin uhuqna medatteb dayeb, aria da ele hipunin amu uhuqen medattem. Amu hipunin laa da uhuqen medakkulnu dayomtai o iitta ii dayomtai, amge anam dayom dayeb, da uhuqen mettami ele amu, da ahilagnu dabmak anuqak awen, Satan nug ig bubuikka eɗigmanu, da Kristus noobppa hipunin amu uhuqen mettami. Satan nug ig ib digdigppa ig eɗigkkunu hette amu, ig amunu kaaka ii daattem.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!