Matyu 9:33 - Nobonob Baibel

³³ Do amu, Jesus Nug ouɗi nau amu lamitte, oɗetup nug nai mattiom. Nai mattieye, danab ah kuɗum appa daappig ele ag dabmak kuɗum aonna appig. “Anukka keeke inam laa Israel ooppa ii beum,” aon appig.

Matyu 9:33 ပူးပေါင်းရင်းမြစ်များ

2 King 5:8

Nug anam a, aria haen Elisa, Kayaknu danab, nug Israel dilag king nug oo uug daye, nuhig lamen elab pattiɗom, nug nai amu doya, nug nai inam king dookkunu me ukke amegppa aum. “Aɗinu na ootppa uug doon, nahip lamen elab pattiɗme? Appe, danab amu da gumiɗa uɗieb, ⌊Kayak heeb,⌋ nug propet laa Israel wanppa daatte, nug amu dookku,” awa aum.

Sam 76:1

Juda danab ah ag Kayak dootteb. Yo, Nug onig am Israel ippa okkai daatte.

Aisaia 35:6

Danab ag baelag laih nauhak ele, ag tappan gonana, oolna tena oolna nenana, ahi ele goɗappeg, danab ah ag oɗelag qamutak ag geha nai mattinna, oo gamag ahak okkai doon, ewak okkai hekkulag. Yawe heeb, wan meu waknu nakokib elele, appa le okkai huanak daakku. Ao, atu taɗak, appa lenag kuɗum daaglag.

Jeremaia 32:20

Anukka na Isip wanppa na nahipnu dabmettaknu kobol danab haknu elele iitta, amu uɗat ɠagattagnab ele hee, uɗie uɗie, gemu ⌊nai imu yaak haenppa⌋ ele, uɗat ɠagattag anamib hettem. Na ig Israel, ig oonigppa heme, danab laa oolagppa ele heme. Na uɗat ɠagattag amuppa danab ah ag na am onin ele doyegeg uɗie, gemu ele, ag dootteb.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 9:32

Ameg gaɗuak aɗit Jesus ehanatom ele aa dimittim ukkaeheh, danab ouɗi nau ele, oɗetup dayom amu, ag nug omalna doeg, nug Jesus guguitta doum.

Mak 2:12

Nug anam a amu, oɗe danab nug aha, qaɗaqaɗ nuhig awa, ag noolagppa dimittim ukkom. Ugekke amu ag dabmak kuɗum aona, Kayak binag mena appig. “Ig deɗ laa keeke amubia ii anidmut,” aon appig.

Luk 11:14

Aria, haen laa Jesus Nug oɗetup danab laa, ouɗi nau laa nug he, danab amu nug oɗetup dayom amu, Jesus Nug danab amu antta, Nug ouɗi nau lamitte ukke, aria danab oɗe oppate nai mattie, danab ah kuɗum appa daappig ag amu anidna, dabmak kuɗum aoppig.

Luk 7:9

Ag anam aeg, Jesus Nug doya, Nug dabmak kuɗum awawa, Nug eɗua, danab ah kuɗum Nug dim lamidppig ele amu, Nug ag amelagppa inam aum. “Da ag amelagppa attem. Da Israel danab oolagppa ooppa genab doyak imubia amu, da laa ii anidmi,” awa aum.