Matyu 9:27 - Nobonob Baibel

²⁷ Jesus Nug aab amu uua ugekke, danab aɗit amelah gaɗuak ele aa Nug dim lamidya, onigppa eyaya apiɗ. “Dawit bekka, na ihinihnu oot gai-iitta doona oot metan ehanite!” aoya epiɗ.

Matyu 9:27 ပူးပေါင်းရင်းမြစ်များ

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Matyu 17:15

“Naɗi na nid danab dahilnu oot gai-iitta doon oot mettan ehanitte! Nuhig oɗe am beɗu mauhak, amu oɗe amuppa deɗ laala nug beɗu huan hahaɗeɗe, na qette. Haen kuɗum nug mauha, aab aɗuppa na qette amu leppa ele na qette.

Matyu 20:29

Jesus Nug nai amu mattia male, ag ahan Jeriko uuglagnu aab daugppa ukkaegeg, danab ah kuɗumnab ag Jesus dim lamidppig.

Matyu 21:15

Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 9:28

Anam eeheh, Jesus Nug lakka no, amelah gaɗuak aɗit aa Jesus toppa uɗipiɗ. Uɗieh, Nug aa oɗ matom. “Da aa ehanatkkulnu elele oolahppa genab doottepte?” awa aum. Awa a amu aa, “Yo,” aoya apiɗ.

Mak 11:10

Danab imu Nug ig alanig Dawit king dayom, Nug amubia daakkunu uɗitte, Kayak Nug itidkkunu oonig daatte. Kayak, Nug attannab daatte ele amu, ig Nug onig humatu!” aon appig.

Mak 9:22

Haen kuɗum ouɗi nau nug nid imu heeb mauhkkunu ha, nug buɗie, aab aɗuppa o leppa na qette amunu, na elele daattem dayeb, na ihinihnu oo bodoetta le mak doona ehanite!” awa aum.

Luk 17:13

ag am huana enan appig. “O Jesus, danab Naɗi, na ihinignu oot gai-iitta doon oot mekkan ehanikke!”

Luk 20:41

Anam dayeye amu Nug ag amelagppa aum. “Laa ag, ‘Kayak Nug laa tituanom, amuam Kristus, Nug am Dawit bekka,’ aon atteb, amge ag attem doona, anam atteb?

Luk 7:21

Haen amuppanab Jesus Nug danab ah kuɗum ag oɗe digdig ele amu he ena daaegeg, Nug ouɗi nau kuɗum lamattatta, ameg gaɗuak kuɗum Nug he, ag amelag oppate ag neegppig.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.