Matyu 9:13 - Nobonob Baibel

¹³ Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

Matyu 9:13 ပူးပေါင်းရင်းမြစ်များ

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Matyu 12:3

Ag anam aeg amu, Jesus Nug amelagppa aum. “Ag Dawit nug nuhikkud danab ele ag enug aqe, Dawit aɗi heum amu, ag amu iite ebqeppig?

Matyu 12:5

Laa ele amu, mana mettak danab dilag uɗatnu yaak ɗoppa niitte amu, ag Sabat deɗppa Kayaknu mettid lakka uppa uɗat amu hetteb, amge am hipunin iitta, ag amu iite ebqeppig?

Matyu 12:7

Ag Kayak naippa nai laa daatte, nai amu doolob amu ena. Nai amuam inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ Ag amunu meu genabnab doolob amu, ag danab imu eheɗ laa ii heppig ele beɗulkadppa nai ii yaalob.

Matyu 19:4

Aeg amu Jesus Nug nob ma aum. “Ag Kayak naippa nai iite ebqeppig? Nai amuam inam. ‘Tatam keeke oh heum haenppa Kayak Nug danab ah haatom amu, Nug laa am danab, laa am ah haatom.’

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 3:8

Ag oolag eɗueb, kobol ena dim lamitteg!

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 12:26

Amge danab mauhna, eɗun hibaittaknu, keeke amunu amu ag Moses nug Kayak naippa nai laa yom amu ag iite ebqeppig? Haen amu aab ewewe, ad nakok ewa iitta ii meeme, Moses nug andette, Kayak Nug Moses amegppa a, nug Kayak oɗe inam yom. ‘Da am Abrahamnu Kayak, Aisaknu Kayak amu Jakopnu Kayak ele,’ awa aum.

Mak 12:33

Amu na nuhignu na meut ohppa, nahip dabmak ohppa, nahip ɠagattag ohppa ele oot mauhkku, amu na nakka nahipnu oot mauhtte, amubia na laipad dilagnu oot mauhkku, keeke aɗit amu aa manaknu ofa oh, mana mettak laa oh ele eɗidttep,” awa aum.

Mak 2:17

Aon aeg amu Jesus Nug doya, amelagppa aum. “Danab oɗe iitta, nug dokta toppa ii gotte. Iitta. Danab nug oɗe ele nug gotte. Amubia amu, da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Luk 10:26

Anam a amu Jesus Nug amegppa aum. “Ɗoppa, nai yaak amunu aɗi daatte? Na appa aɗi ebqettem?” awa aum.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Luk 5:31

Anam aeg amu Jesus Nug ag amelagppa aum. “Danab nug oɗe iitta, nug dokta toppa ii gotte. Iitta. Danab oɗe ele nug gotte.

Luk 5:32

Amubia amu da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Jon 10:34

Aeg amu Jesus aum. “Ahilag ɗoppa Kayak oɗe inam yaak niitte. ‘Da ami, ag am Kayak ganiappud.’

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

2 Pita 3:9

Danab laala ag, “Naɗi Nug eɗua uɗikkunu nai qakka aum amu, paha eɗua ii uɗia hette,” dabmetteb, amge anam iitta. Iitta. Nug ahilagnu oo bodoettak ele daatte. Nug danab laippu laa padal mekkunu oo ii daatte. Iitta! Nug danab oh ag oolag eɗukkunu oo okkai daatte amunu, Nug haen madatte.