Matyu 9:12 - Nobonob Baibel

¹² Ag anam aon aeg amu, Jesus Nug doya, Nug amelagppa aum. “Danab oɗe iitta, nug dokta toppa ii gotte. Iitta. Danab nug oɗe ele, nug gotte.

Matyu 9:12 ပူးပေါင်းရင်းမြစ်များ

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

Sam 41:4

Amu dahilnu amu, da unuqitten ami. “O Yawe, da hipunin qein, nahip-ppa eheɗ hemi. Da anam hemi amunu, na dahilnu oot gai-iitta doon oot meɗan ehaniɗppe, da beɗul eɗua ena daakkunu oɗ medattem.”

Sam 6:2

O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Jeremaia 17:14

O Yawe, ⌊na da ehaniɗttem amunu,⌋ da naib binan mettem. ⌊Naib ehaniɗttem⌋ amunu, na heppe, da eɗuen, oɗe iitta ele daakkul dayeb amu, da genab oɗe iitta ele daakkul. Ao, na da padal mepanu ehaniɗkkut dayeb amu, da genab padal ii mepa.

Jeremaia 30:17

O Jakop buɗub, laa ag ahilagnu nau, danab ah hamu bia dootteb. Ao, ag danab ah Sion daatteb, laa ag ahilagnu oo doyak ii dootteb. Amunu da heppi, danab beɗuppa oɗe nau ele, nug eɗua ena daatte, amubia ag eɗun ena daaglag. Ge, da heppi, ag danab ihi nau ele eɗua ena daatte, ag amubia ena daaglag.” Yawe Nug anam awa atte.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Matyu 18:11

((Aɗinu? Danab Bekkalag da amu da danab hipuninppa nauhppig amu, ag eɗue diiadkkulnu uɗimi.))

Mak 2:17

Aon aeg amu Jesus Nug doya, amelagppa aum. “Danab oɗe iitta, nug dokta toppa ii gotte. Iitta. Danab nug oɗe ele nug gotte. Amubia amu, da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Luk 5:31

Anam aeg amu Jesus Nug ag amelagppa aum. “Danab nug oɗe iitta, nug dokta toppa ii gotte. Iitta. Danab oɗe ele nug gotte.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Luk 9:11

Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Kolosi 4:14

Luk, ig lainignab, nug dokta, nug Demas ele aa ele ag humadttep.