Matyu 8:9 - Nobonob Baibel

⁹ Da amu doottemnu diig am, da ele uɗat imunu danab okkai waalagppa daaiyi, ag da gumiɗegeg, amu dahilad daup ag da waalppa ele daatteb. Amu da laa amegppa, ‘Na ukke!’ ai, aria nug gotte. Amu da laa amegppa, ‘Na do!’ ai, aria nug dotte. Da dahil maɗi nid ele amegppa, ‘Na uɗat imu he!’ ai, aria nug hette amunu, na naiib appe, keeke amuam bekku doottem,” awa aum.

Matyu 8:9 ပူးပေါင်းရင်းမြစ်များ

Sam 119:91

Keeke oh am nahip maɗi nid daatteb amunu, nahip ɗo gemu ⌊nai imu yaak haenppa⌋ ele iikku daatte.

Sam 148:8

amemɗi, ais doɗo, sno, lombig, gu, amu ulah naɗi, Nug aɗi haknu a hette ele,

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 8:8

Jesus Nug anam aum, amge ban daup 100 dilag ikki nug aum. “Naɗi, da am danab enate na uɗin, da laul ooppa nekkut? Anam amu, na maɗi nid dahil ena daakkunu naiib appe amu, nug eɗua ena daakku.

Mak 1:27

Uuitte amu, danab laa ag danab amu anidna, dabmak kuɗum aona, amu ag akka akka Jesusnu appig. “Imu aɗi? Ippunittak imu am bau. Nug ehah ena ele, amu diig amunu Nug ouɗi nau amelagppa, ‘Ag ukkeg!’ atte amu, ag nuhig nai dim lamidtteb,” aon appig.

Luk 4:39

Oɗ mettaeg amu, Jesus Nug noa, gumitta hibaitta dayaya he, beɗu gakkaɗak uuitte, nug paha aha digma, ehanittak keeke babaitta ehanattom.

Luk 7:8

Da amu doottemnu diig am, da ele uɗat imunu danab okkai waalagppa daaiyi, ag da gumiɗegeg, amu dahilad daup ag da waalppa ele daatteb. Amu da laa amegppa, ‘Na ukke!’ ai, aria nug gotte. Amu da laa amegppa, ‘Na do!’ ai, aria nug dotte. Da dahil maɗi nid ele amegppa, ‘Na uɗat imu he!’ ai, aria nug hette amunu, na naiib appe, keeke amuam bekku doottem.” Danab amu ag okkai ahilag oɗe amu aon, Jesus amegppa appig.

Luk 9:1

Jesus Nug ippunittak awak danab 12 onilagppa e uɗieg, Nug ag ouɗi nau oh lamadna, oɗe digdignu ele heppeg iitta mekkulagnu ɠagattag matta,

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!

Taitus 2:9

Aria, begbeg maɗi nid dilagnu amu, ag ahilkad okkai ag Kayak, Nug ig eɗua awikkom ele amu, ag ib ohppa nuhig nai binag mekkulagnu begbeg maɗi nid ag ahilkad okkai waalagppa daanna, uɗat oh ahilkad okkai oolag ena daakkunu hena, ag dagom daanna, ahilkad okkai dilag nai dim lamidna, ag ahilkad okkai dilagppa yabhok ii hemana, ag ahilkad okkai ag ahilagnu oolagppa genab dooglagnu elele daatteb dooglagnu enaib hekkulagoitte.