Matyu 8:4 - Nobonob Baibel

⁴ Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Matyu 8:4 ပူးပေါင်းရင်းမြစ်များ

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Matyu 10:18

Da onil ahilagppa daatte amunu, ag ag diiadna, gawana, king ele eppelagppa maadppeg, ag hettoɗiadkkulag. Hettoɗiadppeg amu, ag haen amuppa dahilnu ag amelagppa mehuqna, iitta aɗi noolagppa ele mattiglag.

Matyu 16:20

Jesus Nug anam ana amu, Nug nuhikkud ippunittak awak danab ag laa amelagppa nuhignu, “Nug am Kristus,” amananu ɗo ɠagattag meum.

Matyu 17:9

Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Matyu 5:17

Ag oolagppa da ɗo nai, amu propet nai ele heppi iitta mekkunu uɗimi aon aib appig. Da heppi, iitta mekkunu ii uɗimi. Iitta. Da elelenab medakkulnu uɗimi.

Matyu 6:1

Laa ele ag dabmeig! Ahilag hak ena am danab anadkkulagnu aib heppig. Ag anam hekkulag amu, ag Mamelag, hab attan daatte, ag nuhigppanu nob ena ii aomna.

Matyu 9:30

Anam a amu, aa amelah oppatom. Oppate, Jesus Nug ɗo nai ɠagattag inam matom. “Dabmeiɗ! Aa keeke amunu danab laa apeɗ aib doyom,” awa aum.

Mak 13:9

Ag dahilad amu, ag wan imuppan oiyak ahilag dabmeig! Laa ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. Da onil ahilagppa daatte amunu, ag diiadna king, gabman ele eppelagppa maadppeg, ag hettoɗiadkkulag. Amu ag haen amuppa dahilnu ag amelagppa mehuqkkulag.

Mak 3:12

Anam aeg, Jesus, Nug am Kayak Bekka amu, ag amunu miag atiak ii amananu ɗo ɠagattag mattom.

Mak 5:43

Aria, Jesus anam hewowa amu, Nug ag danab laala amelagppa amananunab, “Aib,” ana, ag nid ahin ee mettaglagnu ele aum.

Mak 6:11

Amge deɗ laa ag aab laappa teppeg, aab amuppan danab ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan, aab amu uunna, ag aab amuppan danab ag eheɗ heppig dooglagnu, ag baelkadppanu gappud heppeg naɗ!” awa aum.

Mak 7:36

Aria, Jesus Nug anam ha amu Nug aakku keeke amunu mattimnanu ɗo ɠagattag meum. Meum amge ag amu dim ii lamidppig. Iitta. Ag gona, amunu madippig. Nug heum, amunu amananu Nug baubau, “Aib,” aum, amge ag amu dim ii lamidppig. Iitta. Ag tuɗidna, huana Nug heumnu madippig.

Mak 8:30

Pita nug anam a amu Jesus Nug ag nuhignu danab laa amelagppa mattimnanu ɗo ɠagattag meum.

Mak 9:9

Ag anam antteg amu, Jesus Nug ag ele ahan, qauko uun nonana, Jesus Nug ag kobol amu anidppig ele, ag amunu danab laa amegppa paha amananu ɗo ɠagattag meum. Nug, Nug am Danab Bekkalag amu, Nug tatam mauhakppanu eɗua hibaitteb ag mattiglagnu aum.

Luk 17:14

Ag anam aon eeg, haen Nug ag anatta, Nug amelagppa aum. “Ag gona, beɗulag mana mettak danab ippuanatteg!” awa aum. Nug anam a, aria ag wana ukkaegeg, ibppa oɗe ahilag amu iitta meum.

Luk 21:13

Ag hettoɗiadppeg, haen amuppa ag dahilnu ag amelagppa mehuqkkulagnu elele daanna hekkulagnu ib daakku,” awa aum.

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

Luk 5:14

Uuitte amu Jesus Nug danab amu amegppa aum. “Na danab laa amegppa da na bappaidminu aib ame! Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu iitta,” awa aum.

Luk 8:56

Nid ahin mameg anig ele aa anam anidya, aa ottaiya, dabmak kuɗum aopiɗ, amu Jesus Nug ɠagattag amelahppa aum. “Aa keeke imunu danab laa amegppa aib apiɗ,” awa aum.

Luk 9:21

Pita nug anam a amu, Jesus Nug ag danab laa amelagppa nai amu mattimnanu ɗo ɠagattag meum.

Jon 5:41

Da danab ag da binal mekkulagnu ii dabmettem,

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Jon 8:50

Da dakka da binal amahalak oppiaawak ele daakkulnu ii hettem. Iitta! Laa, amuam Kayak, Nug da amu ele daakkulnu hette. Nug da epeɗila, eheɗ laa ii anidtte.