Matyu 8:27 - Nobonob Baibel

²⁷ Nug anam he amu, nuhikkud ippunittak awak danab ag dabmak kuɗum aonna, akka akka appig. “Danab imu am danab attemu? Ulah, le ele aa ele nuhig nai dim lamidttep!” aon appig.

Matyu 8:27 ပူးပေါင်းရင်းမြစ်များ

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Matyu 15:31

Bappalatte, danab ah ag anam anidna, dabmak kuɗum aoppig. Aɗinu? Danab ah oɗetup ele, ag nai madippig, laa ag ebehilag kaliak ele, ag ena daappig, laa baelag nau autaut oippig ele, ag ena oippig, laa amelag gaɗuak ele, ag neegppig. Ena daappig amunu, ag Israel dilag Kayak binag meppig.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Matyu 8:28

Aria, ag gona, Galili le ameg laih Gadara danab dilag wan atuppa eeɗppig. Eeɗeg, danab aɗit ouɗi nau qalatak ele, aa matmatppanu Jesus gumidya uɗiya, Nug uɗa tepiɗ. Aa dakkuɗ meya autia aopiɗ amunu, danab ag ib amuppa oiyaknu elele iitta.

Mak 1:27

Uuitte amu, danab laa ag danab amu anidna, dabmak kuɗum aona, amu ag akka akka Jesusnu appig. “Imu aɗi? Ippunittak imu am bau. Nug ehah ena ele, amu diig amunu Nug ouɗi nau amelagppa, ‘Ag ukkeg!’ atte amu, ag nuhig nai dim lamidtteb,” aon appig.

Mak 6:51

Nug anam ana amu, Nug uub attan oola te, ulah toettom. Toette amu, ippunittak awak danab ag dabmak kuɗumnab aoppig.

Mak 7:37

Danab ah ag Jesus heum anidna, ag huanak ottaina, ag dabmak kuɗum aonna, ag appig. “Nug aɗi hette amu Nug enaib hette. Danab daulag ituak ele Nug he, ag nai dootteb, amu danab oɗetup ele ag nai maditteb,” aon appig.