Matyu 8:16 - Nobonob Baibel

¹⁶ Aria, aam no, uudoowo, danab ag ahan, danab kuɗum ouɗi nau ele omaladna, Jesus toppa goppig. Ukkaeg, Jesus Nug laa ouɗi nau ele amu, Nug oɗeppaib anakppa, ouɗi nau lamattatta, oɗe danab oh ele amu bappalattom.

Matyu 8:16 ပူးပေါင်းရင်းမြစ်များ

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Matyu 12:22

Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

Matyu 8:15

Antta, Nug gumitta wana, ah eppeg nakok aɗa he, beɗu gakkaɗak iitta me, ah amu nug aha digma, ehanittak keeke babaitta ehanittom.

Matyu 8:33

Mauhadna malaeg amu, bo gumattak danab ag oolna goppig. Ag gona, aab miag dayom, amuppa ag keeke aɗi anidppig ohnu anana, ag danab aɗit ouɗi nau qalatak ele dilahppa kobol beum, ag amunu ele madippig.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Mak 2:3

Nug nai mehuqeqe, danab laala ag lailag oɗe ele, nug baeg eppeg mauhak ele, ag oolagppanu danab waɗele ag nug qaɗaqaɗppa maon uɗippig.

Mak 9:25

Nug anam a amu Jesus Nug danab ah kuɗum ag qaiettan uɗin qagmeeg antta, Nug ouɗi nau amegppa haknunab ana, “Oɗe ituak, daug ituaknu ouɗi nau, na nid imu paɗaidna gona, bau eɗun nug beɗuppa aib uɗime!” awa aum.

Luk 13:12

Jesus Nug ah amu anttowa, onigppa e do, amegppa aum. “Ah da oɗe nahip amuppanu uhuqttem,” awa aum.

Luk 4:40

Babaitte, aria deɗ amu aam noono, appan danab ag ahan, oɗe danab, oɗe digdig ele omaladna, Jesus toppa ukkaeg, Nug danab amu eppegppa aɗalatte, ena daappig.

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

Aposel 5:15

Aria, totol danab 12 ag kobol danab hekkunu elele iitta heeg, danab laala ag oɗe danab amu qaɗaqaɗppa akkan uɗin, ib daugppa maatteg niippig. Amunu diig am Pita oiyebeb amu, nuhig itotog oɗe danab qaɗelagppa ukkeb ena daaglagnu oolag dayom.