Matyu 8:15 - Nobonob Baibel

¹⁵ Antta, Nug gumitta wana, ah eppeg nakok aɗa he, beɗu gakkaɗak iitta me, ah amu nug aha digma, ehanittak keeke babaitta ehanittom.

Matyu 8:15 ပူးပေါင်းရင်းမြစ်များ

2 King 13:21

Amu deɗ laa Israel laala ag danab mauhak gaɗa amu boumona, haen amuppa ag Moap danab amu laala uɗieg anadna, ag danab mauhom gaɗa amu buɗieg, moɗ Elisa ebehi niitte, amuppa noum. Amu haen danab mauhom gaɗa noa ukka, Elisa ebehi aɗe amu, danab mauhom amu nug eɗua bau ma, baegppa aha hibaittom.

Aisaia 6:7

Nug awa uɗia, aab ottag amu da ottilppa nakokib ma, nug da amelppa inam aum. “Antte, da aab ottag na ottinppa memi. Gemu na beɗunppa aab laa iitta. Gemu ⌊Naɗi Nug⌋ nahip hipuninnu nob nau nuhig uɗat naɗippa iitta mekkunu ha malom,” awa aum.

Matyu 14:36

Uɗina ag oɗe danab Jesusnu lamen elab daugib aɗaglagnu unuqppig. Unuqeg, danab ag anam heppig ele, ag oh beɗulag ena dayom.

Matyu 20:34

Anam aeh amu Jesus Nug ahilahnu oo bodoetta le me, Nug eppeg aa amelahppa me, geha aakkunab aa amelah obate, neegya ahaya, Jesus dim lamidpiɗ.

Matyu 8:14

Maɗi nid amu ena daye amu, Jesus Nug Pita laugppa noa, Pita nome nug beɗu gakkaɗak oɗe ele niieye anttom.

Matyu 8:16

Aria, aam no, uudoowo, danab ag ahan, danab kuɗum ouɗi nau ele omaladna, Jesus toppa goppig. Ukkaeg, Jesus Nug laa ouɗi nau ele amu, Nug oɗeppaib anakppa, ouɗi nau lamattatta, oɗe danab oh ele amu bappalattom.

Matyu 8:3

Nug anam a, Jesus Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum. Anam a amu, pahanab gaɗa oɗe nau amu iitta me, danab nug ena dayom.

Matyu 9:20

Amu ah laa appa dayom ele, tiig nak oɗe maɗ 12 nuhigppa dayom. Nug anam dayaya, nug ooppa, “Da lamen elab nuhig nakokib aɗakkul amu, da ena daakkul,” aum amunu, nug Jesus dimugppa gumitta wana, lamen daug lauɗittom.

Matyu 9:29

Anam aeh amu, Jesus Nug eppeg amelahppa maama aum. “Aa dahilnu oolahppa genab doottep bia, anamnab ahilahppa bekku,” awa aum.

Mak 1:29

Jesus Nug danab amu ehanitte, Nug, amu nuhikkud ippunittak awak danab Saimon, Andru, Jems, Jon ele ag ahan, Juda dilag nai doyak lag amu uuidna, tutukku Saimon, Andru ele laulahppa goppig.

Mak 1:41

Nug anam a, Jesus Nug oo bodoetta le me, Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum.

Luk 8:54

Amge Nug nid ahin amu eppegppa aɗa aum. “Nid ahin dahil, na ahe!” awa aum.