Matyu 7:7 - Nobonob Baibel

⁷ Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Matyu 7:7 ပူးပေါင်းရင်းမြစ်များ

Genesis 26:32

Ag ukkaegeg, Aisaknu maɗi nid ag uɗin, Aisak amegppa appig. “Ig le moɗ laa buuta, le anidmut,” aon appig.

1 King 3:5

Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.

Sam 10:17

O Yawe, na daɗek danab ah, na ahilag oo hak amu, na amu doottem. Ao, na ag ahilag unuqittak doona, ɠagattag madattem.

Sam 10:4

Am nau hak danab, ag dada kobol dim lamidtteb amu, ag Kayak anidna dim lamidkkulagnu Nug ii maditteb. Ag, “Kayak laa ii daatte,” anana, ag anam hetteb.

Sam 119:12

O Yawe, danab ah oh ag na binan mekkulag am tutukkuib. Na nahip ɗo nai ippuniɗkkutnu ool okkai daye, oɗ medattem.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 34:4

Da Yawe antten, dim lamidkkulnu mattie unuqitti, Nug doya, da ehaniɗom. Nug da ehaniɗe, keeke oh da amunu baɗami amu, keeke amunu laa dahilppa ii beum.

Sam 37:4

Na Yawe waappa dayaknu enanagnab doon daappe, Nug na oot unuqagnab aɗinu oot daatte am medakku.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 69:32

Amu danab ah ag akka ag onilag qeeg ne oitteb ele amu, ag amu anidna, ag oolag gamag ahakku. Ao, ag laa ag Kayak anidna dim lamidkkulagnu Nug maditteb ele, ag amu anidna, ag oolag ɠagattag qedakku.

Sam 70:4

Laa ag dahilnu nau amu hetteb ele, na ahilagppa anam hekkutnu ool daatte, amge na heppe, laa ag na anidna dim lamidkkulagnu na mattidtteb amu, ag ena doon, gamag ahak okkai aoglagnu oɗ medattem. Ao, na heppe, laa na ehanatte, ag padal ii mena, ag amunu enanag dootteb ele amu, ag hanhan, “Kayak Nug hak ena, hak tutukku, hak genabib hette,” akkulagnu unuqidttem.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Solomonnu Ahi 3:2

Nug ii uɗiom amunu, da dakka, dahilnu ami. “Da ahen, da aab okkai imuppa oikkul. Ao, da ib naunau, ib okkai ele matte oikkul. Da laa, da nuhignu ool mauhtte ele, da ukke nug madikkul,” awe ami. Ao, da dakka dahilnu anam awoya, da ahe ukke oimi, amge da nug ii anidmi.

Aisaia 30:19

Amu danab ah ag Sion daaglag. Ge, ag Jerusalem appa daaglag. Amu ag ⌊Sion danab ah, ag Sion daatteb amu, ag appa⌋ daanna, ag baula ii gaamna. Ag Yawe unuqidppeg, Nug ahilag unuqittak amu doya, Nug oo bodoette enanag maɗoɗ ele hak kobol dim lamitta, ehanadkku. Nug unuqittak ahilag doya, pahanab, haen amuppanab Nug nob ena madakku.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Amos 5:4

Laa amu, Yawe Nug Israel danab ah amelagppa atte. “Israel danab ah, ag bau daaglagnu, ag da aniɗna dim lamiɗkkulagnu da mattiɗna oiyeg!

Matyu 18:19

Anam amunu, da genab ag amelagppa attem, ag oh wan imuppa daatteb imu, ag oolagppanu aɗit laa keeke laanu oolah laippu meya, Kayak amunu oɗ medapeɗ amu, da Mamel hab aabppa daatte, Nug matakku.

Matyu 21:22

Amu ele ag oolagppa genab doonna unuqidkkulag amu, ag keeke aɗi aɗi aoglagnu unuqidna amu, ag aoglag,” awa aum.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Matyu 7:11

amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug keeke ena ag madakku.

Matyu 7:8

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Mak 11:24

Amunu ag keeke laa bekkunu unuqidnana, ag aottebnu oolagppa genab doonna, ag unuqidppig amubia ag aoglag.

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Rom 3:11

Danab laippu laa nug diignu doyak tutukku ele iitta. Amu danab laippu laa Kayak madikkunu ii hette.

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Jems 5:15

Amu ikki danab ag Kayaknu oolagppa genab doona unuqidppeg amu, Naɗi Nug oɗe danab amu heeb, eɗua bau mekku. Aria, oɗe danab amu nug hipunin hattom dayeb amu, Naɗi Nug hipunin nuhig uhuqa medakku.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.