Matyu 7:5 - Nobonob Baibel

⁵ Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!

Matyu 7:5 ပူးပေါင်းရင်းမြစ်များ

Matyu 22:18

Ag anam appig, amge Jesus Nug ag eheɗ hekkulagnu heppig doya, Nug aum. “Ag am hambuppuak danab. Aɗinu ag heppeg, ɗo danab ag da aɗailkkulagnu hetteb?

Matyu 7:3

Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem?

Matyu 7:4

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka na amenppa ad imuag dayakib daatte.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Luk 12:56

Ag hambuppuak danab, ag wanppanu keeke, amu hab waappanu keeke ele hettoɗin tutukku dootteb amunu, aɗinu ag dahil haknu hettoɗin tutukku ii dootteb?

Luk 13:15

Anam a amu, Naɗi Nug eɗua aum. “Ag am hambuppuak danab. Sabat deɗppa amu, ag oh doɗ laulagppa gotteb. Gona ahilkad makau, donki ele diin gona, le madatteb.

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”

Luk 6:42

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka amenppa ad imuag dayakib daatte amu, na ii anidttem. Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!” awa aum.

Aposel 19:15

Ag anam hena, deɗ laa ag ouɗi nau laa amegppa anam appig, amge ouɗi nau amu eɗua amelagppa inam aum. “Jesus amu da doottem, Polnu nai maditteb ele da doottem, amge ag am aun?” awa aum.