Matyu 7:21 - Nobonob Baibel

²¹ Danab ah ag da amelppa, ‘O Naɗi, O Naɗi,’ atteb ele, amu oh ag dahil ɗo maɗoɗ ooppa ii nomana. Iitta. Danab nug da Mamel, hab aabppa daatte, nug nuhig dabmak dim lamidtte ele, nugib dahil ɗo maɗoɗ ooppa nokku.

Matyu 7:21 ပူးပေါင်းရင်းမြစ်များ

Matyu 12:50

Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 18:19

Anam amunu, da genab ag amelagppa attem, ag oh wan imuppa daatteb imu, ag oolagppanu aɗit laa keeke laanu oolah laippu meya, Kayak amunu oɗ medapeɗ amu, da Mamel hab aabppa daatte, Nug matakku.

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 18:35

Anam amunu ag lailagnu eheɗ hak oolag ohppa uhuqna ii medappeg amu, da Mamel, hab aabppa daatte, Nug ele ahilagppa anamib hekku,” awa aum.

Matyu 19:24

Da baula ag amelagppa attem, doɗ kamel nug koitaknu tutui giɗoppa noa laih gokkunu am uug ele, amge danab enub kuɗum ele, nug Kayaknu ɗo maɗoɗ ooppa gokkunu, amuam uug okkainab ele,” awa aum.

Matyu 25:10

Ah makkun doyak dabmak ena ele ag anam aeg, ah makkun dabmak iitta ele ag en lakka amahlaknu le aoglagnu ukkaegeg amu, danab ah aokkun heum ele aakku uɗiom. Uɗie amu, ah makkun dabmak ele ag nug ele ewau matulak hobulppa nona malaeg, maɗi nid ag od manappig.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Mak 3:35

Danab laa nug Kayaknu dabmak dim lamidtte, nug am da anil, da amal, da appinal ele,” awa aum.

Mak 9:47

Laa ele amu na amen he, na hipunin hettem dayeb, na amen laih amu kehan, maoppe ukkaɗ! Na amen laihigib ele daanna hab aabppa gokkut, amuam ena. Amge na amen aɗit oh ele daappe, ag na mawidppeg padal mak abenppa gokkut, amuam ena iitta.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Luk 18:25

Ge, doɗ kamel nug koitaknu tutui giɗoppa noa laih gokkunu am uug ele, amge danab enub kuɗum ele, nug Kayaknu ɗo maɗoɗ ooppa nokkunu, amuam uug okkainab ele,” awa aum.

Luk 6:46

Aɗinu ag dahilnu, ‘O Naɗi, O Naɗi,’ aon atteb, amge ag dahil nai dim ii lamidtteb?

Jon 14:7

Ag da dooiɗppig amunu, ag da Mamel ele dooglag. Ge, gemu ag da aniɗppig amunu, ag Nug dootteb; ag ele anidtteb,” awa aum.

Jon 15:23

Laa nug dahilnu nau ninig ele dootte amu, nug da Mamelnu ele nau ninig ele dootte.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Rom 2:13

Danab ag daulagppaib ɗo am hamu bia dootteb ele, ag amu Kayak amegppa genab tutukku hak danab ii daatteb. Iitta. Danab ag ɗo dim lamidtteb ele, danab amuib geha Kayak Nug ahilagnu, “Genab tutukku hak danab,” awa akku.

Epesus 6:6

Ag ahilkad okkai amelagppaib, ag oolag ittag aqakkunuib aib heppig. Iitta. Kristusnu begbeg maɗi nid, nug oo oh Kristus metta Kayak oɗe dim lamidtte amubia heig!

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

1 Tesalonaika 4:3

Kayak Nug ag oppiaawak daaglagnu, ag gappai kobol ii hemananu,

1 Tesalonaika 5:18

Wanppan oiyak ahilagppa aɗi aɗi bette amu, ⌊Kayak Nug ag ehanadtte amunu,⌋ ag amunu Nug amegppa, “Ena heme,” aon aig! Ag Kristus Jesusnu daatteb amu, Kayak Nug ag kobol anam hekkulagnu oo daatte.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Hibru 4:6

amunu, ig anidttem, danab ag hik awak aoglagnu elele, amge danab ag anukka Nai Ena doona, tappaeg ne, ag nona Kayaknu hik awak ii aoppig, amge hik awak amu babaittom daatte amunu, laa ag aoglag.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

1 Pita 2:15

Kayak Nug ag danab dabmak tutukku iitta dilag nai, maittak iitta ele, ag nai amu kobol ena ahilagppa qeppeg nekkunu oo daatte.

1 Pita 4:2

Amunu amu dimppa, haen danab amu nug bau dayaya wanppa oitte amu, nug kobol nau baula ii dim lamidtte, danab laa hetteb bia. Iitta! Nug Kayaknu dabmaknab dim lamidtte.

Revelesen 2:27

‘Nug danab amu kingnu qakun aenppa hak amuppa gumadkku. Ao, nug danab laa he, waa aoɗe, maha kuɗum nette, amubia danab amu gumadkku.’ Mame Nug da amubia hekkulnu onil meɗom, amubia da nug onig anam medakkul.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 3:5

Aun laa nug ban eɗidkku amu, nug danab ag lamen hakkab tagappig ele, nug ag oolagppa ele daya, lamen hakkab ele tagakku. Da nug onig buk laa, amuam buk onig Bauklel Awe Onig Yaaknu Buk, buk amuppanu ii obipa. Iitta! Da nug da Mamel noobppa, amu engel noolagppa ele nug onig miag akkul.