Matyu 7:1 - Nobonob Baibel

¹ Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag.

Matyu 7:1 ပူးပေါင်းရင်းမြစ်များ

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Matyu 7:5

Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!

Luk 6:37

Jesus Nug anam ana, Nug baula aum. “Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Ag nai laa beɗulkadppa aib yaappig. Ag anam hekkulag dayeb, laa ag nai ag beɗulkadppa ii yaamna. Ag laa dilag hipunin uhuqna matteg! Ag anam hekkulag dayeb amu, laa ag ahilag hipunin uhuqna mattaglag.

Luk 6:41

Aɗinu na layap amegppa ad huppu nagnag gikkiakppanu daatte, na amunu neegttem, amge na nakka amenppa ad imuag laa daatte, na amunu dab-ii-mettem?

Jon 8:7

Anam dayom, amge ag eɗunna oɗmak amunu baubau heppig. Anam heeg amu Nug eɗua tutukku dayaya, ag neekkattatta aum. “Ag oolagppa aun laa nug hipunin iitta daatte amu, nug tatam menppa ah imu menppa makkuɗaɗ!” awa aum.

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.