Matyu 6:32 - Nobonob Baibel

³² Amuam iitta aɗi ag keeke amu ohnu hik aqadtte, amge ag dahilad amu, ag Mamelag, hab attan daatte, Nug ag keeke amu oh aoglagnu dootte.

Matyu 6:32 ပူးပေါင်းရင်းမြစ်များ

1 King 19:6

Engel nug anam a, Elaiya nug niiak abenppa niiaya, neekke ukke, nug ikki guguittak bret batappatak men gakkaɗakppa manak, amu le hinaippa itak ele anttom. Nug antta, nug aha, ee, le ele lawowa, nug eɗua niiom.

Sam 103:13

Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Matyu 6:8

amge iitta aɗi ag kobol hetteb, ag amubia aib heppig. Ag, ag Mamelag ii unuqidkkulagnu ii digmeppig haenppa Nug ag keeke ohnu tutu metteb ele amu, Nug dootte.

Luk 12:30

Amu wan imuppanu iitta aɗi ag keeke amu ohnu hik aqadtte, amge ag dahilad amu, ag Mamelag Nug ag keeke amu oh aoglagnu dootte.

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

1 Tesalonaika 4:5

ag iitta aɗi, ag Kayak ii dootteb ele, ag gappai hekkulagnu oo ahak nau dootteb, ag amubia ii hemananu,