Matyu 6:21 - Nobonob Baibel

²¹ Aben adekkuppa ag enulkad daatte ele amu, ahilag dabmak ele am appaib daakku.

Matyu 6:21 ပူးပေါင်းရင်းမြစ်များ

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 6:22

Na amen am, na beɗun laih laih oh amahlak madatte. Na amen ena dayeb amu, na beɗun laih laih oh am amahlak ele daaglag,

Luk 12:34

Aben adekkuppa ag enulkad daatte ele amu, ahilag dabmak ele am appaib daakku,” awa aum.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

2 Korint 4:18

Anam daatte amunu, keeke ig amenigppa anadttem ele, ig amunu keeke am anuqak dab-ii-mettem. Iitta. Ig keeke ig amenigppa ii anidttem ele, ig amunu am keeke anuqak dabmak aottem. Aɗinu? Keeke ig amenigppa anidttem ele am haen tutuib daakku, amge keeke ig amenigppa ii anidttem ele am geha hanhan daakku.

Pilemon 1:19

Da Pol, da dakka da eppelppa nai imu uɗug imuppa iikku yaattem. Nug nahip keeke awom dayeb amu, nob amu da geha na medakkul, amge diigppanab, na nob okkainab laa da meɗakkutnu daattenu ii apa.

Pilemon 1:3

Ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!