Matyu 6:2 - Nobonob Baibel

² Anam amunu, haen na daɗek danab ehanadttem amu, na hambuppuak danab ag nai doyak lakka, o iitta ib manppa ele danab ah ag binalag mekkulagnu hetteb, amubia ag muttub ele daɗek danab aib ehanadppig. Ag lokkumakppa heig! Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 6:2 ပူးပေါင်းရင်းမြစ်များ

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Sam 37:21

Nau hak danab ag, ag lon aona, nob eɗun ii metteb, amge genab tutukku hak danab ag keeke mettaknu oolag qak iitta dim lamidnana, ag laa madatteb.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 20:6

Danab kuɗumnab ag lailkad dilagnu, “Da ahilagnu oo mauhaknab doottem,” aon atteb; amge auntai laa nug oo metta ii uuak kobol genab dim lamidtte?

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Matyu 15:7

Ag hambuppuak danab! Propet Aisaia nug ahilagnu tutukkunab aakku anukka propet nai ana, inam mattiom.

Matyu 16:3

Aria buttua amu ag atteb, ‘Gemu amu lombig hinqak, hab am kokoɗ amunu haen nau, gu ulah ele daakku,’ aon atteb. Ag hab waappan keeke epeɗikkulagnu dootteb, amge ag haen gemu imunu Kayak dabmettaknu kobol danab haknu elele iitta daatteb anidna epeɗikkulagnu ii dootteb.

Matyu 22:18

Ag anam appig, amge Jesus Nug ag eheɗ hekkulagnu heppig doya, Nug aum. “Ag am hambuppuak danab. Aɗinu ag heppeg, ɗo danab ag da aɗailkkulagnu hetteb?

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Matyu 23:6

Ag hobul haenppa, nai doyak lakka ele aben anuqakppa daaglagnu, oolag mauhtte,

Matyu 24:51

Uɗia amu, danab okkai nug maɗi nid amu eheɗnab hettowa, awa meeb, nug hambuppuak danab ele daaglag. Appa danab ag gaanna, aelkad emalna daaglag.

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 6:3

Amunu haen na daɗek ehanadttem amu, na eppen naneh nug eppen naɗiap uɗat hette amu aib doyom.

Matyu 6:5

Amu haen ag unuqidtteb amu, ag hambuppuak danab ag nai doyak lag ooppa, o iitta ib oɗatleppa danab ah ag anadkkulagnu hippaidna daanna unuqidkkulagnu oolag okkai daatte amu, ag amubia aib heppig. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 7:5

Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!

Mak 12:39

ag nai doyak lakka, hobul haenppa ele ag aben anuqakppa daaglagnu oolag mauhtte, amge ag dahilad amu, ag ahilag kobol amubia hemananu dabmeig!

Mak 7:6

Ag anam aeg amu, Jesus Nug ag amelagppa aum. “Anukka amu propet Aisaia nug ag hambuppuak danab, ahilagnu propet nai tutukku yom. Nai amuam inam. ‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Luk 11:43

O gadonnab gadon ɗo gumak danab-Parasia, ag dabmeig! Ag nai doyak lakka aben anuqakppa daaglagnu, ee oɗiak abenppa danab ah ag humadkkulagnu oolag mauhtte.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 12:56

Ag hambuppuak danab, ag wanppanu keeke, amu hab waappanu keeke ele hettoɗin tutukku dootteb amunu, aɗinu ag dahil haknu hettoɗin tutukku ii dootteb?

Luk 13:15

Anam a amu, Naɗi Nug eɗua aum. “Ag am hambuppuak danab. Sabat deɗppa amu, ag oh doɗ laulagppa gotteb. Gona ahilkad makau, donki ele diin gona, le madatteb.

Luk 20:46

“Ɗo mehuqak danab ag lamen elab enanag ele takkan, danab ah noolagppa oiglagnu oolag he, ee oɗiak abenppa danab ah ag humadkkulagnu, ag nai doyak lakka, hobul haenppa ele ag aben anuqakppa daaglagnu oolag mauhtte, amge ag dahilad amu, ag ahilag kobol amubia hemananu dabmeig!

Luk 6:24

Amge o gadonnab gadon ag danab enulag ele. Ag dabmeig! Aɗinu? Ehanittak laala, ag oolag ena daakkunu amu, ag wan imuppa aakku aon malappig.

Luk 6:42

Na dabmak attem aona, na layap amegppa, ‘Lai, da ad huppu nagnag gikkiakppanu na amenppa daatte amu aokkulnu hettem,’ attem? Na anam attem, amge na nakka amenppa ad imuag dayakib daatte amu, na ii anidttem. Na am hambuppuak danab! Tatam na ad imuag na amenppa daatte mautppe na ukkeb, na pehettan neegnana, na layap amegppa ad huppu nagnag gikkiakppanu amu maute!” awa aum.

Jon 13:29

Laala ag Judas men doɗo kunup gumttom amunu, “Jesus Nug Pasowa Hobulnu keeke awaknutai atte” o iitta, “Daɗek danab dilag keeke daden ma mattaknutai atte” aon appig.

Jon 5:41

Da danab ag da binal mekkulagnu ii dabmettem,

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 24:17

Amu da anam hein, maɗ laala da ukken, aab laalappa dayeye oiyeye, amu dimppa amu da eɗuen, da men doɗo Judanu daɗek madakkulnu amu doɗ manen Kayak medakkulnu Jerusalem temi.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

1 Korint 13:3

Am da keeke dahilad oh daɗek danab madakkul dayeb, amu da Kayaknu uɗat huan heina, da dakka da binal mekkulnu da beɗul imu kakidttem dayeb, amge da laa dilagnu oo mauhak ii doottem dayeb amu, keeke amu oh da ehaniɗkkunu elele iitta.

Galesia 2:10

Ig anam atata, ag i daɗek danab dilag tuɗidɗa dabmekkunihnu aakkuib appig. Keeke amunu amu, da ool huana hette, da amu hekkulnu da uɗat ɠagattag heinne daattem.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

1 Tesalonaika 2:6

Amu ele, ig danab noolagppa binanig aognignu ii hemut; ag noolagppa iitta, danab ah laa noolagppa ele iitta.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.