Matyu 6:14 - Nobonob Baibel

¹⁴ Jesus Nug anam ana, Nug nai tuɗitta aum. “Doyeg! Ag danab ah laa dilag hipunin ahilagppa hetteb uhuqna madappeg amu, ag Mamelag, hab aabppa daatte, Nug hipunin ahilag ele uhuqa madakku.

Matyu 6:14 ပူးပေါင်းရင်းမြစ်များ

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Mak 11:25

Laa ele amu, haen ag ⌊anen anen, ag⌋ unuqidnana, ag Mamelag, hab aabppa daatte, Nug ahilag hipunin uhuqa madakkunu amu, danab laa nug ahilagnu eheɗ heum dayeb, ag hipunin amu uhuqna metteg!

Luk 6:37

Jesus Nug anam ana, Nug baula aum. “Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Ag nai laa beɗulkadppa aib yaappig. Ag anam hekkulag dayeb, laa ag nai ag beɗulkadppa ii yaamna. Ag laa dilag hipunin uhuqna matteg! Ag anam hekkulag dayeb amu, laa ag ahilag hipunin uhuqna mattaglag.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Josua 22:15

Ag gona, Gileat wanppa tena amu, ag Israel dilag huu okkai Ruben, Gad, amu Israel dilag huu okkai Manase mahaib ele, ag amu amelagppa appig.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.