Matyu 6:13 - Nobonob Baibel

¹³ Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Matyu 6:13 ပူးပေါင်းရင်းမြစ်များ

Genesis 22:1

Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

1 King 1:36

King nug anam a amu, Jehoiada bekka Benaia nug kingnu nai nob ma, king amegppa aum. “Genab, anam dayaɗ! Am nahip Kayak, Yawe, Nug geha keeke oh na ame, amubia heeb bekkunu ool naɗi daatte.

1 Stori 16:36

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu; ag Nug binag meig! Dawit nug Asap laikkud ele anam ippuanatta male, danab ah oh ag daan dooppig amu ag, “Genab, anam dayaɗ!” anana, ag, “Ig Yawe binag metu,” appig.

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Sam 10:16

Yawe Nug king hanhannu daatte! Ao, O Yawe, na heppe, laa ag kayak laala dilagnu dup nona binag mak kobol hetteb ele ag nahip wanppa aib daappig.

Sam 106:48

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu, ag Nug binag meig! Danab ah oh ag, “Genab, anam dayaɗ!” aig! Ag Yawe binag meig!

Sam 22:28

Aɗinu? Yawe, Nug am king. Nug wan imuppan wan anen anen oh gumadtte.

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Sam 47:2

Aɗinu? Yawe Attannab Laa Oh Eɗattak amu, danab nug Nug toppa dayaya, nug ebehi oh bodoetta le mette. Ao, Nug am king anuqak, nug danab ah wan atu ohnu gumadtte.

Sam 47:7

Kayak Nug wan atu ohnu king daatte. Nug am wan atu ohnu king amunu, ag ahi laa Nug humittaknab nuhignu etteg!

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Sam 89:52

Ig Yawe hanhan binag metu! Genab, anam dayaɗ! Genab, anam dayaɗ.

Eksodas 15:18

Yawe, na king hanhan daakkut; laa tuqa iinab aoma!” Moses Israel aɗi ele, ag anam ahi edappig.

Prowerb 30:8

Keeke aɗit amuam iikku. Na heppe da nai hambuppuak nakok laa aibnab aib mattimi; amu laa am, na heppe, da aib enub o daɗek danab daami. Da anam ii daakkulnu, da deɗ anen anen bau dayaknu keeke, amuam ee, le keeke, da anamib aokkulnu oɗ medattem.

Jeremaia 15:21

Da na nau hak danab ah eppelagppanu eɗue awidkkul. Yo, da na danab ah ag laa guittak mettaglagnu uug ii dootteb, da na ag eppelagppa dayaknu qagaiettakppanu eɗua uhuqak amu hein medakkul,” awa aum.

Jeremaia 28:6

“Genab, anam dayaɗ! Yawe Nug anam hekkunu da ool anam daatte. Na inam ame. ‘Yawe Nug geha heeb, laa ag Babilon keeke oh Yawenu lag imuppanu akkan goppig ele, ag keeke amu oh eɗun akkan uɗinna, amu danab ah oh diippig ele, ag ag ele diin ippa uɗiglag.’ Na propet nai amu ame amu, Yawe Nug nai nahip amu heeb, meu bekkunu ool daatte.

Daniel 4:25

Na ⌊dabmak nahip eɗua, kaaka dayeb,⌋ laa ag lamidppeg, na goppe, doɗ dakkuɗ ele daaglag. Daanna, na makau gikkiɗah latteb bia gikkiɗah lakkut. Baito habppanu na, na nidakku. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wannu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa na eɗun ena daakkut.

Daniel 7:18

Ɗo maɗoɗ waɗele amu ag bena, anam daaglag, amge Kayak Attannab Laa Oh Eɗattak Nug heeb, ɗo maɗoɗ amu oh am nuhig danab ah oppiaawak ele dilag daakku. Am anamib dayebeb ukkeb ukkeb, anamib daakku. Laa nug ɗo maɗoɗ amu eppelagppanu aɗatta ii aoma.”

Namba 5:22

Yo, le ninig imu, am he, ah nug eheɗ laa awaknu anak waappa daatte amu, na ootppa noa heeb, na oot titiɗeb, tuɗin laih laih ebehi teeb, na ah mattoi, meunuak laa iitta oikkut.’ Mana mettak danab nug anam awowa, nug heeb, ah nug Yawe onigppa nuhig nai ɠagattag qetta, nug, ‘Genab, anam dayaɗ!’ awa akku.

Matyu 26:41

Satan ag eeɗatteb eheɗppa gomananu ag dabmenan daanna, unuqitteg! Ag tutukku hekkulagnu dabmetteb, amge ag beɗulag am ɠagattag iitta,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Matyu 6:10

Na heppe, ɗo maɗoɗ nahip wan imuppa daakkunu unuqidttem. Na heppe, hab aabppan daup ag nahip dabmak awak dim lamidna hetteb, amubia ig wanppa daattem ele dim lamidtu!

Jon 17:15

Da na ag wan imuppanu diiadkkutnu oɗ ii medattem. Iitta. Na heppe, Satan nug ag diiadkkunu elele iitta daakku, da amunu na oɗ medattem.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

1 Korint 14:16

Na anam ii hena, ouɗinppaib nai laappa Kayak unuqidna, “Ena heme,” abeppe amu, danab laa nug attemun unuqittak nahipnu, “Genab, anam dayaɗ!” akku?

2 Korint 1:20

Ao, Kayak Nug keeke oh hekkunu nai qakka aum amu, ag oh Kristus nuhigppa meu otteb. Kristus nuhigppa, ig “Genab, anam dayaɗ!” atata, nai amuppa ig Kayak binag mettem.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

2 Tesalonaika 3:3

Amge Naɗi, Nug oo metta ii uuak kobol dim lamidtte amu, Nug ɠagattag aqeb, Satan nug ag ii eeɗadma.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Hibru 11:36

Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Revelesen 19:4

Anam aeg amu, ikki danab 24, amu hab daup waɗele Kayaknu bauklel aotteb ele, ag Kayak, Nug nuhig sia kingppa daatte, ag Nug noobppa gatelag qaun ona, dup nona, Nug binag mena appig. “Genab, anam dayaɗ! Ig Kayak binag metu!” aon appig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.

Revelesen 5:13

Ag anam ettaeg, da keeke oh Kayak Nug hattom, amuam keeke hab attan daatteb, wanppa daatteb, wan unuqag daatteb, amu yuppa daatteb ele baalag doomi. Keeke amu oh aben amu ohppanu ag inam ahi edappig. “Kayak Nug sia king ⌊anuqak,⌋ appa daatte, Sipsip Nag ele amu, onig okkai, binag mak, binag amahlak oppiaawak ele, amu ɠagattag oh ele ahilahppa hanhan alet ele dayaɗ!” aon appig.