Matyu 6:12 - Nobonob Baibel

¹² Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Matyu 6:12 ပူးပေါင်းရင်းမြစ်များ

1 King 8:30

O Kayak, nahip dayak aben am hab aab, amu na appa daanna, haen da, nahip maɗi nid, amu Israel ele, ig am nahipad danab ah, haen ig neegta, lag imu anidtata, na unuqidpput doona, na ihinig hipunin uhuqna megakkutnu oɗ medattem.

1 King 8:34

Yawe, na hab aabppa daanna, danab ah nahipad ig, na ihinig unuqittak amu doon, hipunin amu uhuqna megakkutnu oɗ medattem. Amu kekeɗ ag ig awigna, wan laappa goppeg amu, na ig aigna, eɗun omaigna, wan imuppa uɗikkutnu ele oɗ medattem. Wan imu amu, na anukka ig mamenkad aɗi mattame.

1 King 8:39

amu Yawe na, na dayak aben nahip, amuam hab aab, na appa daanna, unuqittak amu dookkutnu ool daatte. Doon, hipunin attem daatte amu, na uhuqna mekkan, am ehanittak elele ele hekkutnu ool daatte. Na anam henana amu, na nakkaib danab ah oh dilag dabmak doottem amunu, na dabmak amu anidnana, na ag anen anen kobol heppig ele, na amuppa na ag melemel elele mattan, na ag kobol heppignu nob elele madakkutnu oɗ medattem.

1 King 8:50

amu na ig nahipad danab ah, na ig ihinig hipunin digdig oh, ig nahip-ppa hemut amu, na amu oh uhuqna mekkan, na heppe, kekeɗ ig eɗigppig ele, ag ihinignu oo gai-iitta doya oo metta ehanittak kobol dim lamidna ig amu mekkaglagnu ool daatte.

Sam 130:4

Amge na am hipunin uhuqa mekkaknu diig daattem amunu, ig danab, ig nahipnu ig ebehinig oh bodoetta le mette.

Sam 32:1

Danab laa Yawe Nug nuhig hipunin uhuqa mettom ele, nug itittak ena awom daatte. Ao, danab laa Yawe Nug nuhig hipunin oppia mettom amu, nug itittak ena awom daatte.

Eksodas 34:7

Da danab ah menuattak huu laippu bia tausen kuɗum bekkulagnu daatteb amu, da amu dilag oo mauhaknab kobol dahil dim lamidppi anidkkulag. Da nau hak, nai tappe nak, hipunin hak ele uhuqttem, amge da danab beɗulagppa aab ele amu, da ag bu madattem. Da ag bu aqatti ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte,” awa aum.

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Daniel 9:19

O Naɗi, na dahil unuqittaknu dookkutnu oɗ medattem. O Naɗi, na ihinig hipunin uhuqna megakkutnu oɗ medattem. O Naɗi, na dahil unuqittak doon, ehanigkkutnu oɗ medattem. O Kayak dahil, laa ag na oninnu anuqak dooglagnu, na paha ehanigkkutnu oɗ medattem. Aɗinu? Na onin am aab okkai nahip-ppa, amu danab ah nahipad eleppa daatte.” Da anam unuqidmi.

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Mak 11:25

Laa ele amu, haen ag ⌊anen anen, ag⌋ unuqidnana, ag Mamelag, hab aabppa daatte, Nug ahilag hipunin uhuqa madakkunu amu, danab laa nug ahilagnu eheɗ heum dayeb, ag hipunin amu uhuqna metteg!

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Luk 13:4

Laa ele, danab 18, anukka Siloam appa lag attan ta ukkak menppa hak na qa aqe mauhppig amu, ag ahilag dabmakppa ag amu dilagnu amu ag, ‘Danab amu, eheɗ hak ahilag am danab laala Jerusalem daatteb ele amu, ahilag eheɗ hak oh eɗattak,’ aon attebte?

Luk 6:37

Jesus Nug anam ana, Nug baula aum. “Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Ag nai laa beɗulkadppa aib yaappig. Ag anam hekkulag dayeb, laa ag nai ag beɗulkadppa ii yaamna. Ag laa dilag hipunin uhuqna matteg! Ag anam hekkulag dayeb amu, laa ag ahilag hipunin uhuqna mattaglag.

Aposel 13:38

Amunu, O lailad, ag doyeg! Ig Jesusnu uɗat okkai, amuppa ig hipuninnu uhuqa mettaknu nai ag amelagppa mehuqttem.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!