Matyu 6:1 - Nobonob Baibel

¹ Laa ele ag dabmeig! Ahilag hak ena am danab anadkkulagnu aib heppig. Ag anam hekkulag amu, ag Mamelag, hab attan daatte, ag nuhigppanu nob ena ii aomna.

Matyu 6:1 ပူးပေါင်းရင်းမြစ်များ

2 King 10:16

Jehu nug Jonadap amegppa inam aum. “Na doppe, da ele goɗa, geha na da Yawe Nugib dim lamidkkulnu wagai mettemnu, na dahil yag-nab-bak amunu doottem anidkkut,” awa aum. Jehu nug anam ana he, Jonadap nug ele oh aa bannu karisppa Samaria gopiɗ.

2 King 10:31

Amge Jehu nug Yawe, Israel dilag Kayak, nug nuhig ɗo oh, nug meu ohppa ii dim lamittom. Iitta. Nug Jeroboam hipunin hatta he, Israel danab ah ele ag hipunin amu hadappig amu, nug hipunin amu hekkunu ii uua di-ii-mettom.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Sekaraia 13:4

Haen amuppa danab nug, ‘Da propet, da tulegleg laa anidmi’ akkunu uɗanak dookku. Danab laippu laa nug danab ah buppualattebeb, ag nuhignu, nug am propet, dabmekkulagnu nug propet dilag lamen ii takkama.

Sekaraia 7:5

“Na wan imuppan danab ah oh, ahilag mana mettak danab ele amelagppa inam appe doyeg! Maɗ 70, kalam tanig eleppa, kalam eblaih aɗitppa ele ag ee ohnu kud mena daappig, amge ag heppig ele, ag genab dahilnu dabmena heppigte?

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 16:6

Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 5:46

Amunu ag danab ahilagnu oolag mauhtte ele, ag amu dilagib oolag mauheb, ag aɗi nob ena aoglag? Takis awak danab ag ele anam iite hetteb?

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Mak 8:15

Amu Jesus Nug ag amelagppa nau aomanu nai imu aum. “Ag ɗo gumak danab-Parasia amu Herot ele dilag yisnu dabmeig!” awa aum.

Luk 11:35

Amunu aɗi dabmak na ootppa daatte, na dabmak amunu, ‘am amahlak’ doottem amu, dabmak amuam gatatu daatte daamanu na dabme!

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Aposel 3:12

Ag anam heeg, Pita nug anatta, nug amelagppa inam aum. “Israel danab, ag aɗinu keeke imunu dabmak kuɗum aotteb? Amu diig aɗinu ag i iya, ihinih ɠagattagppa, o iitta i iya ihinih ena hakppa i heuɗ, danab imu nug aha tappa oitte dabmak aona, ag amelag behabe, i neekkit-tteb? Anam iittanab, iitta.

Galesia 6:12

Danab laala ag onilag okkai ele daaglagnu hetteb, ag Galesia danab ag gaɗalag otaɗkkulagnu wagainab metteb ele amu, ag diig laippuppaib hetteb. Amuam inam. Ag danab laala ag Kristus ad emaitakppa ehanigkkunu mauhom oolagppa genab ii dootteb dabmenana, eheɗ hattamnanu gaɗa otaɗaknu nai amu huana maditteb.

Duteronomi 24:13

Nahipad mudippan laippu nug lamen amuppa niikkude amunu, na lamen amu uu-ii-doobob, eɗun medakkut. Na amu hekkut dayeb, na laipad mudippan laa amu nug amunu, “Ena heme,” awa akku, amu Yawe, ahilag Kayak, Nug danab anam hette ele, Nug nuhig hak amunu genab tutukku hak kobol dookku.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!