Matyu 5:9 - Nobonob Baibel

⁹ Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Matyu 5:9 ပူးပေါင်းရင်းမြစ်များ

1 Stori 12:17

Dawit nug ban haknu aben ɠagattagppa dayeye, ag uɗieg, Dawit aha dimittim ukka, ag uɗalag ta, ag amelagppa aum. “Ag da ehaniɗkkulagnu maɗoɗ ele uɗippig dayeb amu, ag uɗippeg, da ele daagnignu ool daatte, amge da eheɗ laa ii hemi, ag amu dab-ii-menana, ag hambuppuiɗna aɗailna dahil kekeɗ eppelagppa meiɗkkulagnu uɗippig dayeb amu, Kayak, ig mamenkad aɗi dilag Kayak, Nug amu antta, ag epeɗiatta, bu madakkunu ool daatte,” awa aum.

Sam 120:6

Ag maɗoɗ kobolnu amu, ag nau ninig ele dootteb. Ag amu dootteb amunu, da haen tutunab aakkuib ag oolagppa daalom, amge da iikku nakok haen elab ag oolagppa daaiyi uɗie, anambia ii daalom am enaib doottem.

Sam 34:12

Ag oolagppanu, na aun na bau daakkunu oot daatte; Ao, ag oolagppanu na aun na haen elab daanna, na dayak ena daanna, gamag ahak dookkutnu oot daatte ele,

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Luk 20:36

Ag engel bia daaglag amunu, ag mauhkkulagnu elele iitta. Ag eɗun hippaidna daaglag amunu, ag am Kayak bekkod.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

Aposel 7:26

Aria, wagɗe deɗ amuppa Moses nug eɗua oiyaya amu, Israel danab aɗit laa aa nug qeeheh anata, aa uuya oolah laippu daaglahnu amelahppa inam aum. ‘Aa diig laippuppan, amu aɗinu aa anam nug guittak mettaya hettep?’ awa aum.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

Rom 8:14

Aɗinu? Danab aun aɗi ag Kayak Ouɗi Nug ib ippuanatte, ag ib amu dim lamidtteb ele, ag am Kayak bekkod.

Rom 8:16

Kayak Ouɗi Nug ig am Kayak bekkod daattem amu, Nug amu ippunigtte.

Rom 8:19

Amunu keeke oh Kayak hattom ele, keeke amu oh am, ig Kayak bekkod, ig geha miag atiak bekkunignu haen ameg mena, ikkilag human neegna daatteb.

1 Korint 6:6

Ag akka ag epeɗiak amu helob, amge iitta ag lailkad dilagppa nug yaak naippa hetteb amu, ag hettoɗiadkkulagnu ag danab Kristusnu oolagppa genab ii dootteb ele, ag ag noolagppa hettoɗiadtteb.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Pilipai 4:2

Amu aa Yuodia, Sintike ele, aa nai imu dooya autya aoglahnu unuqat-ttem. Aa Naɗi onigppa aa oo mak laippu aoya dayeɗ!

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.