Matyu 5:39 - Nobonob Baibel

³⁹ Amge da ag amelagppa attem. Eheɗ hak danab aun nug ahilagppa eheɗ anam bia heeb, ag nuhigppa nob aib meppig. Am inam bia. Danab nug na hippen laih mataɗeb, na nob nau aib eɗun mettame. Iitta. Na hippen laih ele eɗun mette!

Matyu 5:39 ပူးပေါင်းရင်းမြစ်များ

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

Job 16:10

Kayak Nug anam heehe, danab ag aon aon iutteb. Ag dahilnu, ‘Keeke hamunab,’ doon, eppelag oohap tena, ag da hippel laih laih mataɗtteb. Ag da eheɗ heiɗkkulagnu qagmena, dahilppa uɗitteb.

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Prowerb 24:29

Na laanu, “Nug dahilppa heum bia da nuhigppa hekkul,” aib ame. Ao, na, “Nug dahilppa aɗi heum amu, da nob mekkul,” na anam aib ame.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Gayak Nai 3:30

Laa ag nid bau amu hippeg okkulagnu hetteb amu, nug hippeg ag mataɗ! Ao, laa ag nug uɗa nak nau guittak ele dookkunu hekkulag dayeb amu, nug am aib uuom.

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Maika 5:1

Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

Matyu 5:40

Aria, danab nug na hettoɗiakppa meitta, lamen nakok elab nahip aokkunu oo hekku dayeb amu, na saket ele mette!

Luk 22:64

Ag lamenppa ameg qakkan, eppelagppa Nug iɗu owona amu, ag appig. “Kayak na ehanitteb, aun nug na oittom appe dootu!” aon appig.

Luk 6:7

Ɗo gumak danab-Parasia amu ɗo mehuqak danab ele ag appa daana, Jesus Nug aɗi heeb anidkkulagnu meidppig. Nug Sabat deɗppa danab eppeg mauhak ele ehanitteb, elele dayeb amu, ag Jesus hettoɗiak abenppa mekkulagnu oolag dayom.

Jon 18:23

Anam a amu Jesus amegppa aum. “Da nai nau ami dayeb amu, na tutukku da amelppa appe doyei! O iitta da nai tutukku ami dayeb amu, aɗinu na da oiɗme?” awa aum.

1 Korint 6:7

Amu ag lailkad ele nug hettoɗina, hettoɗiakppa maadtteb ele amu, amuppa ag nena qetteb. Ag oolagppanu laa nug layagppa eheɗ heeb, nug layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta. O ag oolagppanu laa nug layagnu keeke yab aweb amu, layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.