Matyu 5:3 - Nobonob Baibel

³ “Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Matyu 5:3 ပူးပေါင်းရင်းမြစ်များ

2 Stori 33:12

Ag aon gona meeg dayaya, uug nau doya, nug Yawe, nuhig Kayak amu, nug Nug noobppa nug nukka nug onig qe naknab he, nug Kayak, nug mamekkud aɗi dilag Kayak Nug nuhignu ii helo bia me, Nug ehanidkkunu unuqittom.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

2 Stori 33:23

Amon nug mameg heum bia anam heum, amge nug mameg Manase, nug uug nau doya, nukka Yawe noobppa nug onig qe neum, amu Amon nug anam ii heum. Iitta. Nug he, nug beɗuppa aab tuɗittak, okkai dayom.

2 Stori 34:27

‘Na nai laa, nai amuppa uug naunab wan imuppa, wan imunu danab ah ele dilagppa bekkunu daatte doon, na uug doon, na nakka na da, Kayak, na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

2 Stori 7:14

haen amuppa danab ah dahilad, da onil ahilagppa daatte amu, danab ah amu ag onilag qeppeg neeb, ag unuqiɗnana, ag da aniɗna dim lamiɗna mattiɗkkulag dayeb, ag ahilag nau hak dimettan, ii hekkulag dayeb amu, ahilag hak amu dimppa da hab aabppa dayeye, ahilag unuqittak doyen, da hipunin ahilag uhuqe matten, da heppi, ahilag wan am eɗua ena daakku.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 34:18

Yawe Nug laa ag oolagppa guittak okkainab, nau ninig ele dootteb amu, Nug ag gukkuatta daatte. Ao, aun aɗi ag oolagppa, “Da eɗue bau ii daapa,” dootteb ele, Nug ag ehanatte, ag padal ii metteb.

Sam 41:1

Am danab nug daɗek danab ah anatta, nug ahilagnu oo bodoettak ele doyadtte amu, nug itittak ena awom daatte. Danab nug daɗek anam ehanadtte amu, uug digdig nuhigppa betteb amu beegeg, Yawe Nug danab amu ehanidtte.

Sam 51:17

Amu genab na doɗ mana mettaknu oot ii daatte, amge na oot daatte am, danab nug hipunin qeum, nug ooppa guittak okkai doyaya, nukka nug onig qeeb nekkunu oot hette. O Kayak, danab hipunin heum ele nug ooppa guittak okkai doyaya, nukka onig qe nette dayeb, nug baula hemanu dabmekku dayeb amu, na danab amu ii geɗidmana. Iitta. Na hipunin amu uhuqna medakkut.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Prowerb 16:19

Danab nug nukka onig qe neene, laa ag laa dilag eheɗ hattak waappa daatteb, nug ag oolagppa daatteb, amuam uug daatte, me am ele ena; amge danab nug dada hak danab ele layam bateb, keeke dada hak danab yab aoppig ele laippu aɗan oiglag, amuam ena iitta.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 13:16

Aria, Jesus nai amu mattia mala, Nug nai baula tuɗitta aum. “Anam, amge ag itittak ena aoppig daatteb! Aɗinu? Ag amelagppa keeke anidtteb, daulagppa nai dootteb, amu ag oolag maidtte.

Matyu 19:14

Nakok alatteg, am Jesus Nug aum. Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid naunau uuadppeg, dahilppa doig! Ag ib ahilag aib oo neppig.

Matyu 24:46

Aria, dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku dayeb amu, nuhignu am ena.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 8:11

amunu, da ag amelagppa attem. Geha danab kuɗum aam bedeppanu, aam nodeppanu ele ag uɗippeg, Abraham, Aisak, Jakop ele ag Kayaknu ɗo maɗoɗppa daanna, hobulppa ee lanan, laippu daaglag,

Mak 10:14

Ag nakok alatteg, Jesus Nug anatta, kobol heppig ele amunu nug oo nauhe, amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid uuadppeg, dahilppa doig! Ag ib ahilag aib oo neppig.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Luk 22:29

Da Mamel, Nug ɗo maɗoɗ da meɗom, amu anamib da ag ɗo maɗoɗ dahil, amuppa ag dahil balalppa ee le ele lanan daaglagnu, ag sia king 12ppa daanna, Israel dilag huu okkai 12 amu gumadkkulag ɠagattag madattem,” awa aum.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Jon 20:29

Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Jems 1:10

Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Revelesen 19:9

Amu dimppa engel nug da amelppa aum. “Na nai imu ye! ‘Danab ah, Kayak Nug ag Sipsip Nagnu ah awaknu hobulppa uɗiglagnu onilagppa eum ele amu, ag itittak ena aoppig daatteb,’ ” awa aum. Awona amu, nug da amelppa aum. “Nai imu am Kayak oɗe, amu nai nuhig am nai genab,” awa aum.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,