Matyu 5:21 - Nobonob Baibel

²¹ Anukka ag mamelkad aɗi ag nai laa aoppig amu ag nai amu dootteb. Nai amuam inam. ‘Na danab aib qeppe mauhom,’ amu, ‘Danab laa nug danab laa qeeb mauhkku amu, nug hettoɗiakppa daakku.’

Matyu 5:21 ပူးပေါင်းရင်းမြစ်များ

2 Samuel 20:18

Joap nug “Da daul hume daattem,” awa a, ah amu nug tuɗitta aum. “Anukkanab danab ah ag, ‘Na oɗmak atten, na amu nob aokkutnu oot daatte amu, na Abel ukke!’ aon adappig. Am danab ah ag amunu uɗippig amu, ag ippa doyak ena aoeg, uug aakku babaittak dayom.

2 Stori 19:5

Nug anam haaha, nug Juda wanppa danab ag aab okkai ɠagattag aɗ ele anen anen amuppa epeɗiak danab daanna, ag epeɗiak uɗat hekkulagnu tituanattom.

Eksodas 20:13

Na danab aib qeppe mauhom.

Namba 35:12

Aab okkai amuam, laa nug laa qe mauhom ele, mauhak layag laa nug qe mauhak danab qeeb mauhkkunu daatte amu, nug wana qeeb mauhmanu, laa layag qe mauhom amu, nug aab amuppa, guppiɗ dimugppa lokkumak dayak bia, nug appa nuhig hettoɗiak ii hak haenppa daakkunu daaglag.

Matyu 5:27

Aria, ag mamelkad aɗi ag nai laa aoppig amu, ag nai amu dootteb. Nai amuam inam. ‘Na ewau aib pakkuna gappai heme,’

Matyu 5:33

Aria, da baula ele attem. Anukka ag mamelkad ag nai aoppig amu, ag nai amu dootteb. Nai amuam inam. ‘Na nai nahip Naɗi noobppa, keeke laa onigppa ɠagattag qettana, aɗi keeke laa hekkutnu ame amu, na aakku he! Na nahip nai amu aib tippalme,’

Matyu 5:38

Aria, ag anukka nai laa aoppig amu, ag nai amu dootteb. Nai amuam inam. ‘Laa nug laanu ameg heeb nauhkku dayeb, ag nug ameg heppeg nauhaɗ! O laa nug laanu aeg heeb qiikku amu, ag nug aeg heppeg qiiaɗ!’

Matyu 5:43

Amu ag anukka nai laa ele aoppig amu ag nai amu dootteb. Nai amuam inam. ‘Na layapnu oot mauhkku, amge na kekeɗ nahipnu, na ootppa nau ninig ele doye!’ aon appig.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.

Duteronomi 5:17

Na danab aib qeppe mauhom.

1 Jon 3:15

Am laa nug layagnu nau ninig ele dootte, nug am danab qe mauhak danab, amu ag dootteb, qe mauhak danab laa ooppa bauklel hanhannu ii daatte.