Matyu 5:15 - Nobonob Baibel

¹⁵ Danab ag ele lam amotna, tappiɗ waappa ii metteb. Iitta. Ag lam maknu balal attan meeg, amahlak nuhig danab lakka daatteb, amu oh amahlak madatte.

Matyu 5:15 ပူးပေါင်းရင်းမြစ်များ

Eksodas 25:37

Ag amu oh hewona amu, ag lam eblaih aɗit ele aguppa maadkkulagnu hattana, ag lam amu imuag amu ebekkudppa elele maadppeg daanna eoppeg, amahlak amu tutukku mettid haknu peh lag ooppa ukkaɗ!

Sekaraia 4:2

Nug anam he ahai, nug oɗ meɗom. “Gemu na aɗi anidttem?” awa oɗ meɗom. Oɗ meɗe, da nug amegppa ami. “Da lam maattaknu balal, golppa hak, amu tappiɗ igippa daatte anidttem. Am lam eblaih aɗit ele lam maattaknu balalppa daatteb. Amu tappiɗppanu goɗen lamppa gokkunu ippu am eblaih aɗit, laippu lam anen anenppa gotteb.

Namba 8:2

“Na nai imu Aron amegppa a! ‘Na lam eblaih aɗit ele amu lam maattaknu balal amuppa maadppe, amahlak ahilag amu lam balal noobppa amahlaɗ!’ ” awa aum.

Mak 4:21

Aria, Jesus Nug nai imu ele mattiom. “Na lam amotna, tappiɗ waappa o iitta niiaknu balal waappa mettemte? Iitta! Na amotna, lam maknu balal attan mee eotte.

Luk 11:33

Jesus Nug nai amu ana, Nug nai baula tuɗitta aum. “Am danab laa nug lam amota ii lokkumtte. Nug lag heɗkkud, oɗe amuppa ii inatte o tappiɗ waappa ii mette. Iitta. Nug danab ag lag amu ooppa nona, amahlak anidkkulagnu amota, lam maknu balal attan me eotte.

Luk 11:36

Am na beɗun oh amahlak ele dayeb, na beɗun laih laa gatatu iitta, amu aria na beɗun laih oh ag amahlak ele. Amuam lamnu amahlak amahalidtte amubia,” awa aum.

Luk 8:16

Aria Jesus Nug nai imu ele mattiom. “Danab laa nug lam amota, tappiɗ waappa o balal waappa ii mette. Iitta. Nug danab ag lag amu ooppa nona, amahlak anidkkulagnu amota, lam maknu balal attan me eotte.

Hibru 9:2

Ag mettid haknu peh lag amu galaeg ooppa, makkulak anuqakppa amu lam maattaknu balal, balal laa, amu bret ag Kayak medappig ele, keeke amu oh aguppa daappig. Lag oo makkulak amuam onig, “Oo Gun Ele.”

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.