Matyu 4:8 - Nobonob Baibel

⁸ Jesus anam a amu, Satan baula Jesus awa ukka, qauko okkainab igippa meum. Mewowa, nug wanppan wan oh, ahilag gumak aben aben ele, amu ahilkad binag amahlak oppiaawak oh ele ippunattatta aum.

Matyu 4:8 ပူးပေါင်းရင်းမြစ်များ

Esta 1:4

Gamag ahak haen amuam kalam eblaih laippu ele dayom. Kalam eblaih laippu ele haen amuppa king nug danab amu dabmatta auta awa, nug ee elelenab mattom. Nug anam heum amuppa nug enub ele, amu binag amahlak oppiaawak ele nuhig, nug amu ippuanattom.

Esta 5:11

amu Haman nug keeke kuɗum nuhignu, amu nuhig nid naunau kuɗum ele amunu amelagppa mattiaya, nugakka binag meum. Nug king nug, nug binag okkai metta, nug gumak uɗat aben attan, anuqak danab, kingnu ehanittak anuqak danab laa oh eɗattak nug mettomnu mattiom.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Matyu 4:5

Nug anam a amu, Satan nug Jesus omala, Jerusalem ukka, Kayaknu mettid lag attan tak batakppa ta he dayeye, amegppa aum.

Jon 5:20

Mama Nug dahilnu oo mauhtte amunu, keeke oh Nug hette ele, Nug da ippuniɗom. Nug geha uɗat kuɗum okkainab, keeke amu oh eɗittak ele, ag ottaina dabmak kuɗum aoglagnu ippuniɗkku.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.