Matyu 4:6 - Nobonob Baibel

⁶ “Na Kayak Bekka daattem dayeb, na ippanu oolna honap no! Aɗinu? Kayak naippa yaak inam daatte. ‘Nug engel nuhikkud amelagppa nahipnu haknunab ab, na baen men yaamanu, ag geha ag eppelagppa aɗaidna ehanidkkulag,’ ” awa aum.

Matyu 4:6 ပူးပေါင်းရင်းမြစ်များ

Job 1:10

Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

Job 5:23

Na anam daakkutnu diig am, ⌊Kayak heeb,⌋ wan ee huana medakku. Ao, doɗ dakkuɗ ele ag nahipnu, ‘Ihinig kekeɗ,’ ii doomna.

Sam 34:20

Yawe Nug genab tutukku hak danab amu dabmatta atognoadtte. Ao, Nug anam heehe, genab tutukku hak danab ebehilag laa ii qiitte.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Matyu 4:4

Nug anam aum, amge Jesus Nug inam aum. “Kayak naippa yaak inam daatte. ‘Danab ah eeppaib bau daanna ii oitteb. Iitta. Danab ah ag Kayak nai ohppa bau daan oitteb,’ ” awa aum.

2 Korint 11:14

Ag Korint daatteb ele amu, ag amunu aib ottaippig. Aɗinu? Ig doottem, Satan nug nukka hanhan kobol nuhig he eɗue, nug gaɗappaib amahlak engel bia bette.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.