Matyu 4:24 - Nobonob Baibel

²⁴ Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 4:24 ပူးပေါင်းရင်းမြစ်များ

2 Samuel 8:6

Dawit nug anam ha, nug he, nuhikkud daup laala ag Aram dilag wanppa daaegeg, Aram ag nug waappa daanna, en takis bia, hanhan Dawit medattappig. Aben ohppa Dawit nug appa ukka, ban heum ele amu, Yawe Nug he, Dawit nug nuhikkud kekeɗ eɗattom.

1 King 10:1

Amu Seba wanppanu kuin nug Solomonnu, “Yawe nug Solomonnu ena he, Solomon nug onig okkai beum,” nai amu nug doyom. Nug doyom amunu, kuin nug Solomon anidkkunu, nug oɗmak ɠagattag laala, Solomon nuhig doyak dabmak ena ele, nug amunu ma anttak oɗ medakkunu uɗiom.

1 King 4:31

Solomonnu doyak dabmak ena ele am wanppan danab oh dilag doyak dabmak ena ele eɗattom. Nug Esra buɗub Etan, nuhig doyak dabmak ena ele eɗitta, am nuhig doyak dabmak ena ele am Heman, Kalkol, Darda ele, ag Mahol bekkod, nuhig doyak dabmak ena ele ahilag eɗittom. Am King Solomon onig okkai ahe, wan oh Israel, Juda ele taliliattak daappig amu, appan danab ag dooppig.

1 Stori 14:17

Dawit nug anam heum amunu, danab ah wan atu ohppa nuhignu nai dooppig, amu Yawe he, wanppan wan ohppan danab ah ag oh nug baɗidppig.

1 Stori 29:2

Da amu dabmein, wagai mein, dahil Kayaknu mettid lag haknu keeke elele daakkunu bappaidmi. Da keeke golppa haknu gol qagmein, keeke silwappa haknu silwa qagmein, keeke brasppa haknu bras qagmein, keeke aenppa haknu aen qagmein, keeke adppa haknu ad ele qagmein, Yawe mettami. Da amu qagmein, da men daden nob okkainab ele, amuam men oniks, men turkois, men kaala iɗu iɗu ele, amu men amubia laala ele, aria men laa onig mabel, da amu oh ele qagmein, Yawe mettami. Da keeke amu oh huanak qagmein, Yawe mettami.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Matyu 12:22

Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom.

Matyu 14:1

Haen amuppa Herot Antipas nug Jesus onig binag ele doyom.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Matyu 17:15

“Naɗi na nid danab dahilnu oot gai-iitta doon oot mettan ehanitte! Nuhig oɗe am beɗu mauhak, amu oɗe amuppa deɗ laala nug beɗu huan hahaɗeɗe, na qette. Haen kuɗum nug mauha, aab aɗuppa na qette amu leppa ele na qette.

Matyu 17:18

Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 8:28

Aria, ag gona, Galili le ameg laih Gadara danab dilag wan atuppa eeɗppig. Eeɗeg, danab aɗit ouɗi nau qalatak ele, aa matmatppanu Jesus gumidya uɗiya, Nug uɗa tepiɗ. Aa dakkuɗ meya autia aopiɗ amunu, danab ag ib amuppa oiyaknu elele iitta.

Matyu 8:33

Mauhadna malaeg amu, bo gumattak danab ag oolna goppig. Ag gona, aab miag dayom, amuppa ag keeke aɗi anidppig ohnu anana, ag danab aɗit ouɗi nau qalatak ele dilahppa kobol beum, ag amunu ele madippig.

Matyu 8:6

“Naɗi, dahil maɗi nid nug baeg eppeg mauhe, guittak okkai ele doyaya, lakka uma niitte,” awa aum.

Matyu 9:26

Ahe, nai amu wan atu amu ohppa oiya malom.

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Mak 1:28

Ag anam anidna, nai amu pahanab tuɗitteg ukke, Galili wan atu ohppa ukkom.

Mak 1:32

Aria, tueb amu aam no, appan danab ag ahan, oɗe danab oh, amu danab ouɗi nau ele oh omaladna, Jesus toppa goppig.

Mak 2:3

Nug nai mehuqeqe, danab laala ag lailag oɗe ele, nug baeg eppeg mauhak ele, ag oolagppanu danab waɗele ag nug qaɗaqaɗppa maon uɗippig.

Mak 2:4

Uɗieg, ag lag Jesus dayom ele, amuppa danab ah kuɗum ituak daaegeg, Jesus gumidna gokkulagnu elele iitta amunu, ag lag attan tena, lag amu koɗokko uɗem ukkak ele amunu ag tena, lag koɗokko Jesus waappa dayomppa loppaɗna, oɗe danab qaɗaqaɗ ele muɗippa qakkan, Jesus noobppa paɗaeg noum.

Mak 2:9

Aɗi nai am oɗe danab imu anaknu uug iitta? Hipunin uhuqa mettaknu nai amute am uug iitta, o iitta aha, qaɗaqaɗ huma, tappa ukkaknu nai, amutai am uug iitta? ⌊Amu oh iitta. Danabib am aɗit oh hekkunu elele iitta⌋ amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu da heppi, aha gokku,” awa aum.

Luk 4:14

Aria, Satan nug Jesus oo eeɗa male, Kayak Ouɗinu ɠagattag Jesus nuhigppa ambak dayeye, Jesus eɗua, Galili ukke, nuhignu nai amu ukke, appanu oh dooppig.

Luk 4:38

Aria, Jesus Nug Juda dilag nai doyak lakkanu aha, Saimon laugppa ukkom. Saimon nome nug oɗe, beɗu gakkaɗak huanaknab ele amunu, ag Jesus ehanidkkunu oɗ medappig.

Luk 5:15

Nug anam aum, amge Jesus Nug keeke heumnu nai amu ukke, ag tuɗitteg ukke, oh doona, danab ah kuɗumnab ag ahan, Jesusnu nai dooglagnu, Nug oɗe ahilag bappaladkkunu ele uɗippig,

Luk 5:24

amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu da heppi, aha gokku,” awa aum. Jesus Nug anam ana amu Nug eɗua, oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Luk 7:17

Amu danab ag Jesus keeke heum, ag amunu mattieg ukke, Juda wan ohppa, amu wan laala Juda talilittak ele ukke, appan danab ag dooppig.

Jon 10:21

Ag anam appig amge laa am appig. “Imuam danab ouɗi nau elenu nai iitta. Ouɗi nau nug danab ameg gaɗuak ele heeb, ameg oppatkkunu elelete?” aon appig.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 28:9

Pol nug anam he amu, nud amuppanu oɗe danab laa oh ele ag uɗin, ehanittak aon, ena daappig.

Aposel 8:7

Appan danab ah laa ag ouɗi nau ele daappig amu, ouɗi nau kuɗum ag huan enana, ag uuadna ukkaegeg, danab kuɗum eppelag, baelag ele mauhak, amu ebehilag kaliak ele ag eɗun ena daappig.

Josua 6:27

Amunu Yawe Nug Josua ele dayeye, Josua nug danab onig, binag okkai ele, doyak amu Kanan wan ohppa ukkom.