Matyu 4:18 - Nobonob Baibel

¹⁸ Jesus Nug anam nai mehuqak dim lamitta, Galili le ameg ihippa oiyaya, Nug Saimon, onig laa Pita, Andru ele, aa am eamag, Nug aa ahilah uhui eeheh anatom. Aa am kakai awak danab amunu, aa uhui epiɗ.

Matyu 4:18 ပူးပေါင်းရင်းမြစ်များ

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Eksodas 3:10

amunu ahe! Gemu da na Paro gumidna gona, amegppa appe, nug dahilad danab ah, Israel, nug ag uuatteb, na omaladppe, Isip uun, ⌊wan laa, da ag madakkul, ag amuppa⌋ gokkulagnu, na meitti gottem!” awa aum.

Esekiel 47:10

Kakai eeɗak danab ag Mauhak Le ihippa daanna, kakai eeɗkkulag. Aria, aben onig Engedi ukka, aben laa onig Eneklaim batak danab ag uhuippa kakai aotteb ag aben amu ohppa ag ahilag uhui ⌊qaɗaiettaglagnu, ag bapaidkkulagnu ele⌋ le ihippa otalkkulag. Mauhak Leppa kakai digdig kuɗum, Mediterenia appa daatteb, amubia daaglag.

Namba 34:11

Sepamnu amu, ahilag tom am ukka, aab onig Ainnu aam bedeppan ukka, Ripla ta, qauko laala, le gottu okkai Galili, le amuppanu laih aam bedeppanu daatteb amu, qauko amuam tom daakku.

Matyu 10:2

Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele.

Matyu 15:29

Aria, Jesus Nug aab amu uua, Galili le ihi matta ukka, qauko laappa nakok ta, heɗep na dayom.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Matyu 4:19

Jesus anata amu Nug amelahppa aum. “Doya, da dim lamiɗeɗ! Aa anam hepeɗ, da aa danab diiaknu uɗat ippuanatkkul,” awa aum.

Mak 7:31

Dimppa Jesus Nug Tair guguittak dayom, Nug appanu aha ukka, aab okkai Saidonnu wanppa ukkowa, Nug le ameg Galili appa noa, Nug Dekapolis wan atu, Nug amuppa ukkom.

Luk 6:14

Laa am Saimon. Amu Jesus Nug onig laa, Pita ataɗom. Laa am Andru; nug Saimon ele, aa am eamag. Aria, Jems, Jon ele amu Pilip, Bartolomyu ele.

Jon 21:1

Amu dimppa amu, Jesus Nug nuhikkud ippunittak awak danab, ag Taiberias le ihippa daaegeg, Nug appa ag gumatta tula beum. Keeke amuam inam beum.

Jon 6:1

Imu dimppa Juda dilag Pasowanu Hobul haen miag do, Jesus Nug le ameg Galili, laa ag le amunu, “Le ameg Taiberias,” aon atteb, le amu heqo laih gokkunu mataɗom. Jesus Nug laih ugekke, danab huanak ag le ihi aiɗna, dim lamidna goppig. Aɗinu? Ag Nug Kayak dabmettaknu kobol danab haknu elele iitta oɗe danab beɗulagppa heehe, ag ena daaegeg anidppig. Jesus Nug appa ukka, qauko laappa nakok te, nuhikkud ippunittak awak danab ele ag heɗep nena daappig. Daanna amu, Jesus Nug neekke ukke, danab ah huanak ag gumidna uɗiegeg antta, Nug Pilip oɗ mettom. “Ig ee elele adeppanu imu oh mattagnignu daden mekkunig?” awa oɗ mettom.

Jon 6:8

Nug anam a amu, Jesusnu ippunittak awak danab laa Andru, nug Saimon Pita ele aa am eamag amu, nug aum.

Duteronomi 3:17

Ruben, Gad ele dilah wannu tom qaqan uɗitteppanu am Jodan le aakku. Jodan le am atu Araba, atu amuppa daatte. Tom amuam Galili Le amegppanu ukka, Mauhak Le aguppa batak, amu ahilag wannu tom kaɗag uɗitteppanu, amuam qauko Pisga aakku.