Matyu 4:16 - Nobonob Baibel

¹⁶ Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Matyu 4:16 ပူးပေါင်းရင်းမြစ်များ

Job 10:22

Aben amuam gatatu ele, tuqan gatatunab bia; appa amahlak ii daatte, keeke oh mauhnoak daatte; Appa amahlak daalo, amu ele gatatu daalo.’ ” Job nug anam aum.

Job 3:5

Menuaknu deɗ dahilnu amu, gatatunab deɗ amuppa daakkunu, lombig deɗ amu tonakkunu, gatatu hinqaknab deɗ amunu amahlak heeb, iitta meeb, amahlak nakok laa deɗ amuppa ii daamanu ool daatte.

Job 34:22

Diig amunu danab eheɗ hette ele nug aben laa gatatunab ele, o aben laa lokko teppu ele, appa lokkumkkunu elele iitta.

Sam 44:19

Amu na hee, ig padal meut, na ihinig wan hee, doɗ jakal ag amuppa daatteb. Ao, na hee, gatatu naunab ig tonikkom.

Aisaia 9:1

⌊Uug naɗi anam daakku amge, hanhan anam ii daama.⌋ Aɗinu? Laa ag uug nau waappa daappig amu, ag tuɗidna anam ii daamna. Haen tatam Yawe Nug he, Seblon wan, am Naptali wan ele aa onilah qe nak ele daapiɗ, amge haen laa dimppa Kayak Nug aa binalah okkai matakku. Naptali wan, Seblon wan ele aa ib laa yuppa ukkak amu, ib amuam aa oppatata gotte. Aa Jodan leppanu qaban uɗitteppanu daattep. Aa am Galili wan, aa oolahppa danab laihnu uɗiak kuɗum daatteb.

Aisaia 9:2

Danab ah ag gatatu naɗi ooppa daan oippig amu, ag amahlak okkai anidkkulag. Ao, danab ah ag gatatu abenppa daan oippig amu, amahlak ahilagppa amahalkku.

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.