Matyu 4:15 - Nobonob Baibel

¹⁵ Propet Aisaia nug inam aum. “Seblon wan, Naptali wan ele, aa ib laa yuppa ukkak amu, ib amuam aa oppatata gotte. Aa Jodan leppanu qaban uɗitteppanu daattep. Aa am Galili wan, aa oolahppa danab laihnu uɗiak kuɗum daatteb.

Matyu 4:15 ပူးပေါင်းရင်းမြစ်များ

1 King 9:11

Nug uɗat amu malowa, Solomon nug aab 20, Tair dilag king Hiram, nuhig daaglagnu hamu mettom; aab amu oh am Galili appa daappig. Mettomnu diig am, King Hiram nug King Solomon lag buukkunu ad sida, ad pain ele, gol kuɗum ele, Solomon oo dayom bia nug mette, uɗat amu ha malom.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

Aisaia 9:1

⌊Uug naɗi anam daakku amge, hanhan anam ii daama.⌋ Aɗinu? Laa ag uug nau waappa daappig amu, ag tuɗidna anam ii daamna. Haen tatam Yawe Nug he, Seblon wan, am Naptali wan ele aa onilah qe nak ele daapiɗ, amge haen laa dimppa Kayak Nug aa binalah okkai matakku. Naptali wan, Seblon wan ele aa ib laa yuppa ukkak amu, ib amuam aa oppatata gotte. Aa Jodan leppanu qaban uɗitteppanu daattep. Aa am Galili wan, aa oolahppa danab laihnu uɗiak kuɗum daatteb.

Matyu 4:13

Nug ukkom, amge Nug Nasaret ukka daakkunu uua Nug ukka, aab onig Kaperneam, appa ukka dayom. Kaperneam am le ameg Galili ihippa laih Seblon, Naptali buɗulti daadppigppa dayom.

Matyu 4:14

Jesus appa oiyeye, Nug propet Aisaia Kayak oɗe awa, nai mattiom, nai amu elele mettom.

Matyu 4:25

Jesus Nug anam heehe, danab ah huanak Galilinu, Dekapolisnu, Jerusalemnu, Judanu amu Jodan le laih wan atu oh elenu Nug dim lamidppig.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:32

Ag amu mattona amu, Israel ag aab laala Israel dilag huu okkai Naptali wanppanu ele madappig; amuam Galili appa aab Kades, Hamotdor, amu Kartan ele. Ag aab amu, amu aab amunu gikkiɗah dad okkai ele madappig. Galilinu aab Kedes am danab nug ii doyaya laa qe mauhomnu ehanittak aab okkai laa. Aab amu oh ebqak amu ewam.