Matyu 4:11 - Nobonob Baibel

¹¹ Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Matyu 4:11 ပူးပေါင်းရင်းမြစ်များ

1 King 19:6

Engel nug anam a, Elaiya nug niiak abenppa niiaya, neekke ukke, nug ikki guguittak bret batappatak men gakkaɗakppa manak, amu le hinaippa itak ele anttom. Nug antta, nug aha, ee, le ele lawowa, nug eɗua niiom.

Matyu 26:53

Na iite doottem? Da Mama amegppa ehaniɗkkunu appi amu, pahanab nuhikkud engel daup kuɗumnab, ban danab ameg 12 eɗattak, da meɗakku.

Matyu 4:6

“Na Kayak Bekka daattem dayeb, na ippanu oolna honap no! Aɗinu? Kayak naippa yaak inam daatte. ‘Nug engel nuhikkud amelagppa nahipnu haknunab ab, na baen men yaamanu, ag geha ag eppelagppa aɗaidna ehanidkkulag,’ ” awa aum.

Mak 1:13

appa deɗ 40 dayeye, Satan nug Jesus eheɗ hekkunu oo eeɗeɗe, Jesus Nug doɗ dakkuɗ oolagppa dayeye, engel ag Nug ehanidppig.

Luk 22:43

((Nug unuqitte, engel laa hab aabppanu na, ɠagattag metta ehanittom.

Luk 22:53

Deɗ oh da ag ele Kayaknu mettid lag ooppa daamut, amge ag ii aɗailppig Anam amge haen imuam ahilag haen, amu Satan nug uɗat nuhig ahilagppa hette,” awa aum.

Luk 4:13

Satan nug Jesus ib amu ohppa eheɗ hekkunu oo eeɗowa, nug uuitta ukkom. Deɗ ena laa baula hekkunu ameg meum.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 1:6

Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.