Matyu 3:4 - Nobonob Baibel

⁴ Amu Jon nug lamen kamel uɗigppa hak ma, nug imuagppa matagiɗ doɗ gaɗappa hak ele tagattom. Nuhig ee am atuppanu uppuh leppu, tap-lokus ele.

Matyu 3:4 ပူးပေါင်းရင်းမြစ်များ

2 King 1:8

King oɗ matte, ag eɗun nob mena appig. “Danab amu nug lamen nuhig beɗuppa meum ele, amuam doɗ uɗigppa heppig, imuagppa matagiɗ takkom, amuam doɗ gaɗappa heppig takkom ele,” aon appig. Ag aeg, king nug doya, nug amelagppa aum. “Nug am propet Elaiya, nug am Tisbe ted,” awa aum.

Aisaia 20:2

⌊Asiria ag Pilistia dilag aab okkai amu aoppig, amge keeke amu ii bak, bekkunu maɗ ewam daye,⌋ haen amuppa Yawe Nug Amos bekka Aisaia amegppa aum. “Na lamen heɗiag ele meme amu uɗona, na baen gaɗa baenppan ele uɗakkut,” awa aum. Nug anam a, Aisaia nug anam haaha, nug qaɗeppan lamen ele iitta, baeg gaɗa ele iitta, anam hamu oiyom. Am Aisaia nug Yawenu nai doya, nug Yawe aum bia anam heum.

Lewitikas 11:22

Keeke amuam, tap-lokus digdig, kriket, tap-lokus bikkab ele, amu tap digdignu ele. Amu oh ag lattaglagnu elele.

Sekaraia 13:4

Haen amuppa danab nug, ‘Da propet, da tulegleg laa anidmi’ akkunu uɗanak dookku. Danab laippu laa nug danab ah buppualattebeb, ag nuhignu, nug am propet, dabmekkulagnu nug propet dilag lamen ii takkama.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Matyu 11:18

Aɗinu? Jon nug uɗia, nug ee digdig ii laum, wain ele ii laum amunu, danab ah ag nuhignu, ‘Nug beɗuppa ouɗi nau ele,’ aon atteb.

Matyu 11:8

Anam daatte dayeb, ag aɗi anidkkulagnu goppig? Ag gona, danab laa lamen enanag kobol ele takkom anidkkulagnu goppigte? Iitta. Danab ag lamen enanagnab, kobol ele tagatteb amu, ag king laulkad enanagnabppa daatteb.

Mak 1:6

Nug lamen kamel uɗigppa hak amu ma, nug imuagppa matagiɗ, doɗ gaɗappa hak ele takka, nug tap-lokus, uppuh leppu atuppanu awak ele lattom.

Luk 1:17

Nug Kayaknu propet Elaiyanu hak ɠagattag, ebehi ele, nug amubia awa, Naɗi noob awa, anuqa ukka heeb, danab ag ahilkad nid naunau ele oo mak daaglag. Nug heeb amu, nai tappe nak danab ag oolag eɗueb, ag genab tutukku hak danab dilag doyak dabmak ena ele aon daaglag. Nug heeb, danab ah kuɗum Naɗi uɗikkunu babaittak daaglag,” awa aum.

Duteronomi 32:13

Yawe he, ag qauko attan, wan oh ele aoppig. Ao, Yawe he, ag dattan keeke aon lappig. Nug he, ag uppuh leppu aben men eleppan aon lappig. Yo, Nug he, ag olip goɗen, ad wan men eleppa beppig amu, amuppanu aon lappig.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.