Matyu 3:14 - Nobonob Baibel

¹⁴ amge Jon nug Jesus am okkai, nug nukka nug am okkai iitta doya, nug Jesus nug eppegppa layattak ii aomanu haaha, nug Jesus amegppa aum. “Na da laaiɗkkutnu daatte, ge attemu am, na dahilppa uɗime?” awa aum.

Matyu 3:14 ပူးပေါင်းရင်းမြစ်များ

Matyu 3:13

Jon nug uɗat anam heehe, haen amuppa Jesus Nug Galili uua, Nug Jon eppegppa layattak aokkunu Jodan leppa ukkom,

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Luk 1:43

Naɗi dahil amu, Nug anig nug dahilnu ii helobia amge ena da gumiɗa uɗiom daatte. Nug anam heum, amge da am ah enate nug anam helo?

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 3:25

Anukka Kayak Nug eheɗ haknu nob elele eɗua mettak uua, danab dilag hipuninnu nob nau paha ii mattom amunu, Nug tutukkuib daatte, Nug amu ippunigkkunu haaha, Nug ig aun laa ig Jesus tiigppanu oonigppa genab doottem, Jesus Nug ihinig eheɗ haknu nob nau Nug tiigppa iitta mekkunu heeb elele medakkunu Nug tituanom.

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Hibru 7:23

Aria, anukka mana mettak danab kuɗum ag daaeg uɗiom. Aɗinu? Ag am danab aakkuib, ag mauhadppig amunu, ag hanhan anamib daaglagnu elele iitta.