Matyu 28:20 - Nobonob Baibel

²⁰ Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 28:20 ပူးပေါင်းရင်းမြစ်များ

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

1 King 1:36

King nug anam a amu, Jehoiada bekka Benaia nug kingnu nai nob ma, king amegppa aum. “Genab, anam dayaɗ! Am nahip Kayak, Yawe, Nug geha keeke oh na ame, amubia heeb bekkunu ool naɗi daatte.

1 Stori 16:36

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu; ag Nug binag meig! Dawit nug Asap laikkud ele anam ippuanatta male, danab ah oh ag daan dooppig amu ag, “Genab, anam dayaɗ!” anana, ag, “Ig Yawe binag metu,” appig.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Eksodas 8:27

Amunu ig oit oit, deɗ ewam batak atu taɗak ooppa gokkunig. Ig gota, appa doɗ mait, Yawe, ihinig Kayak, Nug mettagnig. Nug ig amenigppa amu haknunab attebia hekkunig,” awa aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Esekiel 46:10

Danab ah ag uɗitteb, haen amuppaib ahilag okkai nug ele ag oolagppa uɗiaɗ! Haen ag ahan gobeppeg amu, nug ele haen amuppa eɗua ukkaɗ!

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Matyu 13:49

Amubia gog tak haenppanu deɗ am anam aakku bekku. Engel ag nena, danab nau ag genab tutukku hak danab oolagppa daatteb qagmaadna,

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Mak 16:20

Aria, ippunittak awak danab ag wan ohppa gona, Jesusnu nai mehuqegeg, Naɗi Nug ag ehanattette, ag Kayak dabmettaknu kobol danab haknu elele iitta laala ele heegeg, amuppa danab ag mehuqak ahilag genab dooppig.))

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

1 Korint 11:2

Ag hanhan dahil dabmetteb, nai da ag amelagppa attem ele amu, ag tutukku aon aɗatteb amunu, da ag onilag humattem.

1 Korint 11:23

Da nai imu Naɗi Jesus Nug oɗeppan nai awen, da ag amelagppa tatam ami amu da gemu eɗuen baula attem. Nai amuam inam. Judas Nug tuqan Naɗi Jesus awa kekeɗ eppelagppa meum, tuqan amuppa Naɗi Jesus Nug bret awa,

1 Korint 14:37

Danab laa nug, “Da am propet,” dabmette dayeb, o nug, “Kayak Ouɗi Nug dabmak ippuniɗtte,” dabmette dayeb amu, aria nug nai da ahilagppa yaattem imu, nug amunu, “Naɗinu ɗo anam daatte,” ele anaɗ!

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

2 Pita 3:2

Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.