Matyu 28:18 - Nobonob Baibel

¹⁸ Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 28:18 ပူးပေါင်းရင်းမြစ်များ

Sam 89:19

O Kayak, na haen laa danab ah nahipad, ag nahipnu oo metta ii uuak kobol dim lamidtteb ele amu, na ag tulegleg anttak laa mattame. Tulegleg amuppa na ame. “Da ban danab laa hei, ɠagattag ele daatte. Ao, da nug danab dahilad oolagppan epeɗie hei, king beum.

Sam 89:27

⌊Nid danab tatamnu ag nid anuqak daan binalag, aulag okkai ele aotteb, amubia⌋ nug nid ⌊danab⌋ naanaeg dahil daakkunu otikkul. Ao, nug wanppa king okkai naɗinab, king laa oh eɗattak daakku.

Prowerb 8:15

Da, Doyak Dabmak Ena Ele, da king ag dahil nai dootteb ele ehanatti, ag danab ah gumadtteb. Ao, gumak danab okkai ag dahil nai dootteb ele amu, ag nai doya mala hettoɗia epeɗia elele mettak dim lamittaknu ɗo metteb.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 3:31

Am laa Nug hab aabppanu nette amu, Nug keeke oh eɗittak daatte. Laa nug wanppa bette amu, nug wan imuppanu keekeib maditte. Laa Nug hab aabppanu nette amu Nug keeke oh eɗittak.

Jon 3:35

Mame Kayak Nug Bekkanu oo mauhtte amunu, keeke oh Nug eppegppa meum.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

Rom 14:9

Kristus Nug danab ag mauhppig, danab ag bau daatteb ele, amu oh dilag Naɗi daakkunu, Nug diig amununab mauha, eɗua hibaittom.

1 Korint 15:27

Amu bekkunu diig am, Kayak naippa, nai laa amunu inam daatte: “Kayak Nug Nug keeke oh gumadkkunu eppegppa meum.” Kayak nai amuam Kayak Nug keeke oh Kristus waappa meum ippunigtte, amge Kayak Nug nukka keeke amu ooppa ii daatte am ele miag atiak daatte. Nug keeke laa oh Kristus waappa meum.

Kolosi 2:10

Nugib okkai ohnu, amu okkainab ohnu ele ikki daatte. Nuhigppaib amu Kayak Nug aɗi keeke madakkunu hette amu, am ahilagppa ambette.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Hibru 2:8

Na ag keeke oh gumadkkulagnu ag eppelagppa meme.” Nai anam daatte. Amu Kayak Nug keeke oh ag eppelagppa meum, keeke laippu laa ii uuittom daatte, amge gemu ig anidttem, danab ag keeke oh ii gumadtteb.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”